Joxuwa 2:11 - Bhiblia Yo Sawuleka

¹¹ Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Joxuwa 2:11 Referans Kwoze

Dhewuteronome 4:39

Ngu toneto, ti zive nyamsi u txi ti pimisa mbiluni kwako tito, Mkoma ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Isaya 13:7

Mawoko otshe ma na pwata mtamo, ni totshe timbilu ta vathu ti na rereka.

Joxuwa 7:5

Se vavamna va ditiko da Ayi va to daya hafuhi ka magumi mraru ni mtxhanu ni mmweyo ka valala vawe, va txi va tutumisa kukhukhela ha txikeni, kala Sebharime, se va to va dayela mkovani; aniko timbilu ta vathu ti to nyeka, ti txi fanana ni mati.

Masalmo 102:15

Sekoko yotshe mifumo yi na thava ditina da Mkoma votshe vafumeli va ha mafuni va dhumisa wuhombe wakwe,

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

1 Vafumeli 8:60

kasi votshe vathu va ha mafuni ve tiziva ti to Mkoma Njizimu, kha ku nga ni tximwani.

Mtuletelo 6:16

Ve gela mimango ni marigwi va txi: Khundumukani mi txi hi khubhunyeta, mi hi sisa ka khohe ya wu a nga khalahatsha ha txikhaloni ka wukoma, ni ka kuhenya ka Txinvutana,

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Joxuwa 14:8

Aniko vanathu, avale ni nga ti tsute navo, va to dhukisa vathu; kasi ani ni to simama ni themba Mkoma, Txizimu txangu.

Dhewuteronome 20:8

Se va na simama vathangeli va mazana ve womba ka vathu, va txi kha vona: “I mani a ku ni dizowa, awu a nga wika msana kani? A na khukhe a txi tsula m'tini kwakwe, kasi wupwembwe wakwe wu si tshapeli ka vanawe.”

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Eksodha 15:14

Vathu va na tipfa, va na dhudhumela; Vazumbi va ditiko da Vafilista va ñolwa ngu kuthava.

Eksodha 15:15

Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

Masalmo 58:7

Va na mwalale nga mati ale ma phwako; ngako va txi khwinza tingove tawe, ti na maneke ti di komokete.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Ezekhiyele 21:15

Kasi ku ti txi thidhela timbilu tawe, ku txi tala siphariyeta, ka sotshe sike sawe, ni vekile tshoka ya ditxhari, do fana ni nyangafula, yo rumelwa kuya daya!

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.