Joxuwa 2:10 - Bhiblia Yo Sawuleka

¹⁰ Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Joxuwa 2:10 Referans Kwoze

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Mitengo 23:22

Txizimu txi va humisile Egipta. Txi va ningile mtamo wa nyari.

Joxuwa 4:24

Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Mitengo 24:8

Txizimu txi mthavisile Egipta; mtamo wakwe wu fana ni wa nyari; a na heta matiko a valala vakwe, kambe a na funya marambu awe, a txi va thola ngu miseve yakwe.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Masalmo 74:15

U khulongisile sisima ni milonga u txi womisa minambo ya mati a mtamo.

Joxuwa 9:10

ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Joxuwa 24:12

Ni to rumela mifi masoni kwanu, ayile yi nga va tutumisa vona vafumeli vale vavambidi va Vaamori, na i si nga ngu ditxhari danu, hambi wulaho wanu.