Joxuwa 19:51 - Bhiblia Yo Sawuleka

⁵¹ Aawa ngu ona matiko a thomba yi Eleyazari mphaxeli ni Joxuwa, mwana Nune, ni vathangeli va tihunzu ta vanana va ka Israyeli, va nga abanelana ngu kuxaxuva, aniya Silo, masoni ka Mkoma, ha txikeni ka ditenda da msengeletano. Ngu tiya va nga gwitisa tona ku abanelana ka ditiko.

Joxuwa 19:51 Referans Kwoze

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Joxuwa 14:1

Atiya koko ngu tona tithomba ti vanana va ka Israyeli, va nga ningwa ditikoni ka Kanana. Eleyazari, mphaxeli, ni Joxuwa, mwana Nune, ni vathangeli va tihunzu ta vanana va ka Israyeli, va nga va abanisela.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Matewu 20:23

Ene a to khene kwakwe: “Ina, mi na sela digombe dangu. Aniko kukhalahatsha txineneni kwangu mwendo txibhabha kwangu, kha ti nga mtamoni kwangu; aniko ti na mahelwa avale Tate wangu a nga va lulamisela.”

Masalmo 78:60

Txi lekile nyumba ya txona yo khozela ya Silo, i nga ti ditenda da txona do zumba ka dona hagari ka vathu.

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

Valamuli 21:21

Se ngako mi txi wona vanana vamahorana va Silo, va txi huma ngu mitxawa kuya sinya, nanu mi na huma ngu mu ka mivhinya, se mmwani ni mmwani kwanu, a na ti ñolela msikati, ka mahorana a Silo, mi txi wuya navo ditikoni ka va ka Bhenjamini.

Valamuli 21:19

Sekoko va to kha vona: “Wona taku dilembe ni dilembe ku ni m'buso wa Mkoma, kona Silo, wu mahwako Wuphemba ka Bheteli, ngu didhawa da wutxani, ka nzila ya mmangoni, yi kwelelako ngu Bheteli kala Sikemi, kala Wulambwe ka Lebhona.”

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Joxuwa 20:1

Mkoma a to womba kambe ka Joxuwa a txi khene: