Joxuwa 19:40 - Bhiblia Yo Sawuleka

⁴⁰ Txyavelo txa wutxhanu ni simbidi txi humete lihunzu la vanana va ka Dhani, madingano ni timwaya tawe.

Joxuwa 19:40 Referans Kwoze

Joxuwa 19:39

Eyo i thomba ya lihunzu la vanana va ka Naftali madingano ni timwaya tawe: Madhoropa oneyo, ni miti ya kona.

Joxuwa 19:41

Muhingano wa thomba yawe ngu wuwa: Zore, Estawoli ni Iri-Xamexe;

Valamuli 18:1

Ka ona ale masiku, ku ti si nga ni mfumeli Israyeli, se ka masiku oneyo lihunzu la ka Dhani, li ti ti lava ditiko do aka ka dona; nguko kala ka dona ditshiku dile, va ti sanzi kuabaniselwa ditiko, hagari ka tihunzu ta ka Israyeli.

Ezekhiyele 48:1

Se matina a tihunzu ta kona ngu awa: Kukhukhela didhawa da muhingano wa wulambwe, ngu didhawa da nzila ya Hetlomi, kuta Hamati, Hazeri-Enomi, muhingano wa Dhamasku, kuya wulambwe, hafuhi ni Hamati; va na va ni didhawa da wulambwe ni da mswa-ditambo; Dhani njikhwemu tximwetxo.

Genesisi 35:25

Vanana va Bhiliha txithumi txa Rakeli ngu vava: Dhani ni Naftali.

Mitengo 26:55

Hambi keto, ditiko di na abaniselwa ngu kuxaxuva tixolo; madingano ni matina a tihunzu ta vatate vawe, va na ningwa.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.