Joxuwa 19:22 - Bhiblia Yo Sawuleka

²² Muhingano wu ti ti hoka Tabhori, Xakazima ni Bheti-Xamexe, se muhingano wu tsimbila kala Jordhani, i ku digumi da madhoropa ni dimwedo ni miti ya kona.

Joxuwa 19:22 Referans Kwoze

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Masalmo 89:12

U vangile Wuphemba ni Wulambwe; mimango ya Tabhori ni Hermoni ya embelela ditina dako.

1 Makronika 6:77

Avale va nga sala ka vanana va Merari, va lihunzu la ka Zebhuloni, va ningilwe Rimoni ni tibala ta kona, Tabhori ni tibala ta kona;

1 Vafumeli 4:9

Bheni-Dhekeri, a ti ti kona Makasi, ni Sahalibimi, ni Bheti-Semesi, ni Eloni, ni Bheti-Hanani;

Joxuwa 21:16

ni Ayini ni wudyiselo wa kona, ni Juta ni wudyiselo wa kona, ni Bheti-Semesi ni wudyiselo wa kona; i mtxhanu wa madhoropa ni mune ma nga huma ka tihunzu ta timbidi;

Joxuwa 19:38

Jeroni, Magdhaleli, Horemu, Bheti-Anati, ni Bheti-Xemexe: Digumi da madhoropa ni mtxhanu ni mune, ni miti ya kona.

Joxuwa 19:12

Muhingano wu ti ti khukhela Saridhe wu txi komba kuya wutxani, aha di humelako kona ditambo, kala muhinganoni ka Kisiloti-Tabhori, wu txi longoloka ngu didhawa da Dhabherati wu txi pinda wu txi kwela kuya Jafiya.

Joxuwa 19:21

ni Rameti, ni Eni-Ganime, ni Eni-Hadha, ni Bheti-Pasesi.

Joxuwa 19:23

Eyo i thomba ya vanana va ka Isakari, madingano ni timwaya tawe, i ku madhoropa ni miti ya kona.

Valamuli 4:12

Va to womba va txi zivisa Sisera, va txi kha vona: Bharake mwana Abhinowami, a kwete mmangoni ka Tabhori.

1 Makronika 6:62

Se vanana va Gerisoni, madingano ni mimwaya yawe, va lihunzu la Isakari, ni va lihunzu la Aseri, ni va lihunzu la Naftali, ni va lihunzu la Manasi, va to mana digumi da madhoropa ni mararu, kona Bhasani.