Joxuwa 19:13 - Bhiblia Yo Sawuleka

¹³ Ngu koneyo wu pinda wu txi komba kuya wutxani, wu txi ya Gati-Heferi ni Eti-Kazini, wu txi hoka Rimoni, se wu txi jika wu txi ya Neya.

Joxuwa 19:13 Referans Kwoze

2 Vafumeli 14:25

Kambe ene a wusile mihingano ya Israyeli, kukhukhela txidingeni ka didhoropa da Hamati, kala ka Linene la Libalani, madingano ni dipswi da Mkoma, Txizimu txa ka Israyeli, nga kule a nga womba ngu mthumo wa mprofeti Jona, mwana mprofeti Amitayi, awule i nga ti ti wa Gati-Heferi.

Joxuwa 19:12

Muhingano wu ti ti khukhela Saridhe wu txi komba kuya wutxani, aha di humelako kona ditambo, kala muhinganoni ka Kisiloti-Tabhori, wu txi longoloka ngu didhawa da Dhabherati wu txi pinda wu txi kwela kuya Jafiya.

Joxuwa 19:14

Muhingano wu tenderuka Hanatoni ngu didhawa da wuphemba, wu txi ya gwitela mkovani ka Jifitaheli;