Joxuwa 18:7 - Bhiblia Yo Sawuleka

⁷ Valevhi va na mbi va ni txyavelo txa thomba hagari kwanu; nguko wuphaxeli wa Mkoma ngu yona thomba yawe. Kasi Gadhi, ni Rubheni ni hafu ya lihunzu la ka Manasi, va amukete thomba yawe mtxhatuko ka Jordhani, wutxani, ayile Mosi, txithumi txa Mkoma, a nga va ninga.

Joxuwa 18:7 Referans Kwoze

Joxuwa 13:33

Kambe lihunzu la ka Levhi, Mosi kha nga li ninga thomba; nguko Mkoma, Txizimu txa ka Israyeli ngene i kuthomba yawe, nga ti va nga va gelisa tona.

Mitengo 18:20

Mkoma a to womba ka Aroni, a txi khene: Awe, khu na mbi va ni thomba ditikoni kwawe, awe khu na mbi va ni txyavelo txa txilo hagari ka vanana va ka Israyeli.

Dhewuteronome 10:9

Ngu mhaka ya toneto, Valevhi kha va na kuavelwa thomba kumweko ni vanawe; Mkoma ngene i kuthomba yawe, nga ti Mkoma, Txizimu txako, a nga va gelisa tona.

Mitengo 18:23

Ngu mhaka yeto, va na thuma mthumo wa ditenda da msengeletano, ve rwala vapune mnandu wawe. Atxiya txi na va txileleto txa kala kupinduka, ka tiveleko tanu, kha si na mbi va ni thomba hagari ka vanana va ka Israyeli.

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Joxuwa 12:6

Mosi txithumi txa Mkoma, ni vanana va ka Israyeli, va to va khozisa; se, Mosi, txithumi txa Mkoma, a to teka ditiko da kona e di ningela ka va ka Rubheni, ni va ka Gadhi ni ka hafu ya nyumba ya ka Manasi, kasiku di txi maha ditiko dawe.