Joxuwa 18:6 - Bhiblia Yo Sawuleka

⁶ Mi na bhaletela ditiko mi txi di abanisa ngu mtxhanu wa sibhande ni simbidi, mi txi tisa kwangu mibhalo ya kona, kasi ku ani ni xaxuva tixolo masoni ka Mkoma, Txizimu txathu.

Joxuwa 18:6 Referans Kwoze

Joxuwa 14:2

Ku to abaniselwa thomba, nga ti Mkoma a nga leleta ngu txisofu txa Mosi, ka tihunzu ta mtxhanu ni mune, ni hafu ya lihunzu.

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Mavingu 18:18

Xolo ya malata kukanetisana, yi abanisa vathu va mitamo.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Masalmo 105:11

mbimo yi a nga womba a txi khene: “Ni na kuninga ditiko da Kanana, di maha thomba yi yi kulumbako.”

Joxuwa 18:8

Sekoko, vavamna vale va to khukha ve tsula; se Joxuwa a to leletela vale va nga txi tsula kuya abanisa ditiko, a txi khene: “Tsulani mi txi ya tsimbila-tsimbila ditikoni, mi txi bhaletela mazumbelo a dona, mi txi wuya kwangu, se ani ni na mi xaxuvela tixolo kona hawa, masoni ka Mkoma, kona hawa Silo.”

Mitengo 34:13

Se Mosi a to gela vanana va ka Israyeli, a txi khene: Adiya ngu dona ditiko di mi no di teka, diva thomba yanu, adi Mkoma a nga ruma ti to di ningelwa ka mtxhanu wa tihunzu ni mune, ni ka hafu ya lihunzu.

Mitengo 33:54

Se ngu kuxaxuva tixolo, mi na mana ditiko di na maha thomba yanu, madingano ni mimwaya yanu; ngu wungi wa kona, mi na talelwa ngu tithomba, eyo dikato di no wela kwakwe; madingano ni tihunzu ta vatate vanu, mi na teka tithomba.

Joxuwa 18:7

Valevhi va na mbi va ni txyavelo txa thomba hagari kwanu; nguko wuphaxeli wa Mkoma ngu yona thomba yawe. Kasi Gadhi, ni Rubheni ni hafu ya lihunzu la ka Manasi, va amukete thomba yawe mtxhatuko ka Jordhani, wutxani, ayile Mosi, txithumi txa Mkoma, a nga va ninga.