Joxuwa 18:3 - Bhiblia Yo Sawuleka

³ Se Joxuwa a to Khene ka vanana va ka Israyeli: Mi na maha mihoni kala mbimo muni, eko mi lekako kuya khozisa ditiko dile, Mkoma, Txizimu txa vatate vanu, a nga mi ninga kani?

Joxuwa 18:3 Referans Kwoze

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Valamuli 18:9

Se vona va to kha vona: “Khukhani, he tsimbileni hi txi ya va wukela; nguko hi xote ditiko, se hi wona ti to dinene ngutu; mi ngadi mi verela txani kani? Mi nga kanakaneni kutsula mi txi ya teka ditiko diya.

Matewu 20:6

A di humile ngu txikhati txa wugumi ni tximwetxo, a to engeta e mana vamwanyani, va nga ti emile, a txi khene kwawe: ‘Njitxani mi txi zumba hawa, ditshiku dotshe, mi si thumi txilo kani?’

Mavingu 15:19

Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Mavingu 10:4

Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.

Zefaniya 3:16

Ka ditshiku dileya, ku na wombwa ka Jerusalema ti taku: U nga thave awe Siyoni, mawoko ako ma nga gume mtamo.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Joxuwa 18:2

Kambe hagari ka vanana va ka Israyeli, ku ti ti sate mtxhanu wa tihunzu ni timbidi ti nga ti sinzi kuamukela thomba ya tona.

Joxuwa 18:4

Sawulani vavamna vararu ka lihunzu ni lihunzu, kasi ku ni txi ta va ruma, va na ya dhawula ditiko, va txi di xola ni kubhaletela tipimo ta dona, ve ziva thomba ya kona, ve tshumela ve wuya kwangu.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.