Joxuwa 18:16 - Bhiblia Yo Sawuleka

¹⁶ Wu txi relela kala magwito ka mmango wule wu ku ngu masoni ka mkova wa Bheni-Hinome, ngu wuphemba ka mkova wa va ka Refayime, wu txi relela mkovani ka Bheni-Hinome, wu txiya didhawa da wulambwe ka mmango wa Jebhusi, se wu txi relela wu txi ya txisimani ka Rogele.

Joxuwa 18:16 Referans Kwoze

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 19:11

u txi khawe: Mkoma wa Mabutho a Tiyimbi a khene: Ni na phwatisa vava vathu ni diya didhoropa, kufana ni kungako ku txi faywa khadi ya muwumbi, ti si kotekiko kutshumela yi tshanganiselwa kambe. Va na tshotshwa Tofeti, ngu kupwata wukhalo wumwani.

Jeremiya 19:6

Ngu konaho, masiku mata, kuwomba Mkoma, ti taku awuwa wukhalo kha wu na mbi ngadi wu dhanwa ku Tofeti, hambi ku va mkova wa mwana Hinomi, aniko mkova wo daya.

Jeremiya 19:2

huma u tsula mkovani, ka mwana Hinomi, hafuhi ni Txike txa Sirengele, u txhumayela kheyo timhaka ti ni no kugela.

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Makronika 28:3

Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

1 Makronika 14:9

Se va di hokile Vafilista, va to hangalaka ngu mkova wa Refayime.

1 Vafumeli 1:9

Se Adhoniya a to daya tinvuta, tihomu ta mikati, ni marole o nona, hafuhi ni dirigwi da Zoweleti, di manekako hafuhi ni txisima txa Rogeli; a to dhana votshe vanawe, vanana va mfumeli, ni votshe vavamna va ka Judha, sithumi sa mfumeli.

2 Samuwele 17:17

Jonatani ni Ayimahasi koko, va ti ti zumbile kumweko hafuhi ni txisima txa Rogeli, se txithumi txa txisikati txi to ya womba, se vona va to ya gela mfumeli Dhavhidha, nguko ti si laveki kuwonwa va txi wulela didhoropani.

Valamuli 19:10

Aniko wamwamna wule kha tumela kuotela kambe hale wusiku wule, se a to khukha a txi tsula, kala eya hoka hafuhi ka Jebhusi (i ku Jerusalema), kumweko ni timbongola takwe tatimbidi ti di lulamisetwe, ni txikaba txakwe.

Valamuli 1:21

Kambe vanana va ka Bhenjamini kha va tutumisa Vajebhusi vale va nga ti Jerusalema, kukhukhela ka kale Vajebhusi va akile Jerusalema kumweko ni vanana va ka Bhenjamini, kala ka ditshiku da nyamsi.

Valamuli 1:8

Nguko vanana va ka Judha va to wukela Jerusalema, va txi di teka, ve dayela vaaki va dona ngu ditxhari, se ve hisa didhoropa ngu mndilo.

Joxuwa 18:28

Sela, Elefi ni Gebhusi, (e ku Jerusalema), i Gibheya ni Kiriyati: Digumi da madhoropa ni mune, ni miti ya kona; ayiya i thomba ya vanana va ka Bhenjamini, madingano ni mtengo wa timwaya ta kona.

Joxuwa 15:63

Vajebhusi va ngadi akile Jerusalema, vanana va ka Judha kha va sikota ku va tutumisa; ngu mhaka yeto Vajebhusi kala nyamsi va ngadi akile kona Jerusalema, kumweko ni vanana va ka Judha.

2 Samuwele 5:18

Se va to ta Vafilista ve ta hangalaka ngu mkova wa Refayime.