Joxuwa 18:12 - Bhiblia Yo Sawuleka

¹² Muhingano wa didhawa da wuphemba wu ti ti khukhela Jordhani ngu wuphemba, wu txi ya ngu txitimwi ka mmango, wu txi komba kuya mswa-ditambo, wu txi ya gwitela txiwulani ka Bheti-Avheni.

Joxuwa 18:12 Referans Kwoze

Joxuwa 16:1

Txyavelo txa ditiko, atxi txi nga lumba vanana va ka Josefa, txi khukhela mnamboni ka Jordhani, ngu diphambo da wutxani masoni ka Jeriko, ngu wutxani ka sisima sa Jeriko muhingano wa kona wu txi khukhela txiwulani ka Jeriko kala mmangoni ka Bheteli.

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Joxuwa 6:1

Ngu toneto, matimba a Jeriko ma ti ti sekilwe me khotwa, ngu mhaka ya kuthava vanana va ka Israyeli; ni wammweyo a ti si humi hambi kuwulela.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Joxuwa 8:15

Se Joxuwa koko ni votshe va ka Israyeli, va to mahisa ku nga va to xulwa masoni ka valala, va txi thava ngu nzila ya txiwulani.

Joxuwa 18:11

Ka wukhalo wo khata ku to maneka txyavelo txa lihunzu la vanana va ka Bhenjamini, madingano ni timwaya tawe: Ditiko da txyavelo txakwe di maneka hagari ka vanana va ka Judha, ni vanana va ka Josefa.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.