Joxuwa 17:7 - Bhiblia Yo Sawuleka

⁷ Muhingano wa ka Manasi wu khukhela Aseri kala Makimetati, ngu masoni ka Sikemi, se wu txi longoloka wu txi ya didhawa da wulambwe ngu txineneni ka kuya Eni-Tapuwa.

Joxuwa 17:7 Referans Kwoze

Joxuwa 21:21

Va va ningile Sikemi, didhoropa da wuthavelo ka vale va dayako m'thu, ni wudyiselo wa kona, mmangoni ka Efrayime, ni Gazeri ni wudyiselo wa kona,

1 Makronika 6:67

Nguko va ningilwe madhoropa a wuthavelo, Sikemi, ni tibala ta kona, mimangoni ka Efrayime, kumweko ni Gezeri ni tibala ta kona,

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.

Genesisi 37:12

Vanawe Josefa va to ya Sikemi, va txi ya dyisela kona mitxhambi ya tate wawe,

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Joxuwa 17:6

nguko vanana vamahorana va ka Manasi va to ningwa thomba hagari ka vanana vakwe va mazambi. Ditiko da Gileyadhi di to lumba vamwani vanana va mazambi va ka Manasi.

Joxuwa 17:8

Manasi a ti ti lumbwa ngu ditiko da Tapuwa, kambe didhoropa da Tapuwa, di ku muhinganoni ka Manasi, i ti da vanana va ka Efrayime.

Masalmo 60:6

Txizimu txi wombile txiluveloni ka txona txi txi kha txona: “Ni na tsaka ni txi abanisa Sikemi ni na pima mkova wa Sukote!