Joxuwa 17:6 - Bhiblia Yo Sawuleka

⁶ nguko vanana vamahorana va ka Manasi va to ningwa thomba hagari ka vanana vakwe va mazambi. Ditiko da Gileyadhi di to lumba vamwani vanana va mazambi va ka Manasi.

Joxuwa 17:6 Referans Kwoze

Joxuwa 13:30

mhingano wawe wu ti khukhela Mahanayime, kotshe Bhasani, ditiko dotshe da Oge, mfumeli wa Bhasani, otshe madhoropa a Jayiri ale ma ku Bhasani, i ti mtxhanu wa magumi ni dimwedo a madhoropa.

Joxuwa 13:31

Hafu ya Gileyadhi, ni Asterote, ni Edreyi, madhoropa a mfumo Oge wa Bhasani, ma ningetwe ka vanana va ka Makira, mwana Manasi, a ti ti wombwako ku ma ningetwe ka hafu ya vanana va ka Makira, madingano ni timwaya tawe.

Joxuwa 17:5

Se Manasi a to ningwa digumi da sipande hahanze ka ditiko da Gileyadhi ni da Bhasani, aale ma manekako mtxhatuko ka Jordhani,

Joxuwa 17:7

Muhingano wa ka Manasi wu khukhela Aseri kala Makimetati, ngu masoni ka Sikemi, se wu txi longoloka wu txi ya didhawa da wulambwe ngu txineneni ka kuya Eni-Tapuwa.

Joxuwa 13:29

Mosi a ningete kambe thomba ka hafu ya lihunzu la ka Manasi, yi nga salela hafu ya vanana va ka Manasi, lihunzu lawe, madingano ni timwaya tawe;

Joxuwa 22:7

Mosi a ti ningete ka yimweyo hafu ya lihunzu la ka Manasi ditiko aniya Bhasani; kasi ka hafu ya wumbidi, Joxuwa a ningete yimwani thomba, hagari ka vanawe, mtxhatuko ka Jordhani, didhawa da mswa-ditambo. Mbimo yile a nga va gela ti to ve tshumelela matendani kwawe, Joxuwa a to va katekisa,

Ezekhiyele 48:4

Se hafuni ni muhingano wa Naftali, kukhukhela ka didhawa da wutxani kala mswa-ditambo, Manasi njikhwemu tximwetxo.