Joxuwa 17:13 - Bhiblia Yo Sawuleka

¹³ Mbimo yi vanana va ka Israyeli va nga maneka va di ni mtamo, ve fumela Vakanana va to va ninga mithumo yo nemela, aniko kha va va tutumisa.

Joxuwa 17:13 Referans Kwoze

Joxuwa 16:10

Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

2 Samuwele 3:1

Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.

Valamuli 1:35

Kambe Vaamori va to simama ve aka mimangoni ka Heresi, kona Ajaloni ni Sahalabhime; aniko dianza da nyumba ya ka Josefa di to simama ku va khupisa.

Valamuli 1:33

Naftali kha nga za e tutumisa vaaki va Bheti-Semesi, hambi vaaki va Bheti-Anati; kambe a to aka hagari ka Vakanana vale va nga ti akile ditikoni mule, aniko vaaki va Bheti-Semesi ni va Bheti-Anati, va to khupiswa ngu va ka Naftali.

Valamuli 1:30

Zebhuloni kha nga za e tutumisa vaaki va Kitroni, hambi vaaki va Nahaloli; aniko Vakanana va ti ti akile hagari ka va ka Zebhuloni, va txi khupiswa.

Valamuli 1:28

Se ku to maheka taku, ngako va ka Israyeli va di mani mtamo, va to khozisa Vakanana, aniko kha va va tutumisa votshe.

Genesisi 49:15

Se ene a pfa kutshamba ka kuhumula, ni ti to ditiko da tsakisa, se a to releta dikata dakwe kasi kupakata thundu a txi ti maha khumbi.

1 Vafumeli 9:21

ka vanana vawe vale va nga sala ditikoni, avale va nga mbi fuviswa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.