Joxuwa 17:1 - Bhiblia Yo Sawuleka

¹ Lihunzu la ka Manasi awule i nga ti matiwula a Josefa, li ningilwe ni lona txyavelo txa lona, Makiri, matiwula a Manasi, awule i ku tate wa Gileyadhi ni Bhasani.

Joxuwa 17:1 Referans Kwoze

Mitengo 26:29

Vanana va Manasi, ngu vava: Va Makiri, ka mwaya wa va ka Makiri; se Makiri a to veleka Gileyadhi; va ka Gileyadhi, ka mwaya wa va ka Gileyadhi.

Genesisi 41:51

Se Josefa a to raya matiwula akwe ditina daku i Manasi, a txi khene: “Txizimu txi ni mahile ni divala sixaniso sangu ni wotshe m'ti wa tate wangu.”

Genesisi 50:23

Se Josefa a woni vanana va Efrayime, va liveleko la wuraru; ni vanana va Makiri, mwana Manasi, va velekilwe ngu Josefa.

Genesisi 46:20

Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.

Genesisi 48:18

se Josefa a to womba ka tate wakwe, a txi khene: Hi nga tona, tata wangu, nguko awuwa ngene i ku matiwula: Veka dianza dako da txinene ha msungo kwakwe.

1 Makronika 2:23

Se Gesuri ni Arame va to va honyola mikhokhola ya Jayiri ni Kenati, ni makhalo a kona, i ku awa: Mtxhanu wa magumi ni digumi dimwedo a madhoropa, votshe vava mbanana va Makiri, tate wa Gileyadhi.

Valamuli 5:14

Nguko Efrayime a relete ka vaaki va Amaleki; se msana kwako, wata Bhenjamini a hagari ka vathu vako; manganakana ma relela ma txi ta ngu Makiri ni Zebhuloni, va pinda va di ñote ndonga ya mabhalani.

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

Mitengo 32:33

Ngu toneto, Mosi a to teka ditiko da Sihoni, mfumeli wa Vaamori, ni ditiko da Oge, mfumeli wa Bhasani, e ninga vanana va ka Rhubeni, ni vanana va ka Gadhi, ni vamwani va lihunzu la ka Manasi, mwana Josefa; ni madhoropa a dona, ni madhoropa awa ma nga ti di ranganyetile.

Mitengo 27:1

Se va tota vanana vamahorana va Zelofeyadhi, mwana Heferi, mwana Gileyadhi, mwana Makiri, mwana Manasi, hagari ka vanana va Manasi, mwana Josefa, se matina a vanana vakwe vamahorana ngu awa: Makla, Nowa, Hogla, Milka ni Tiriza;

Genesisi 48:17

Se ngako Josefa a di woni ti to tate wakwe a vekile dianza dakwe da txinene ha msungo ka Efrayime, eto kha ta mtsakisa, ene a to ñola dianza da tate wakwe kasiku e di thavisa ha msungo ka Efrayime, a txi di veka ha msungoni ka Manasi,

Joxuwa 17:2

Vamwani vanana va amukete ni vona thomba yawe madingano ni timwaya tawe; vanana va Abhiyezeri, ni vanana va Heleke, ni vanana va Asiriyeli, ni vanana va Sekumi, ni vanana va Heferi, ni vanana va Semidha. Avava mbanana va mazambi va ka Manasi, mwana Josefa, madingano ni timwaya tawe.

Joxuwa 22:7

Mosi a ti ningete ka yimweyo hafu ya lihunzu la ka Manasi ditiko aniya Bhasani; kasi ka hafu ya wumbidi, Joxuwa a ningete yimwani thomba, hagari ka vanawe, mtxhatuko ka Jordhani, didhawa da mswa-ditambo. Mbimo yile a nga va gela ti to ve tshumelela matendani kwawe, Joxuwa a to va katekisa,

Ezekhiyele 48:4

Se hafuni ni muhingano wa Naftali, kukhukhela ka didhawa da wutxani kala mswa-ditambo, Manasi njikhwemu tximwetxo.

Genesisi 41:52

Mwanana wa wumbidi, a mrayile ditina daku i Efrayime, a txi khene: “Txizimu txi ni mahile ni anda ngu vanana ditikoni muwa ka kuxupheka kwangu.”

2 Samuwele 2:9

Se a to m'veka kuva mfumeli txitimwi ka Gileyadhi, ni txitimwi ka Asuri, ni txitimwi ka Jezireyeli, ni txitimwi ka Efrayime, ni txitimwi ka Bhenjamini, ni txitimwi ka votshe va ka Israyeli.

Ezekhiyele 47:13

Mkoma Txizimu a khene: Awuwa wu na va m'hingano wa ti mi no tekisa tona ditiko ni thomba, madingano ni digumi da tihunzu ni timbidi ta ka Israyeli. Josefa a na va ni madhawa mambidi.