Joxuwa 16:9 - Bhiblia Yo Sawuleka

⁹ Vanana va ka Efrayime va ti ni madhoropa awe hagari ka thomba ya vanana va ka Manasi; madhoropa awa ma ti ni sidhoropana sa ona.

Joxuwa 16:9 Referans Kwoze

Joxuwa 17:9

Sekoko muhingano wuwa wu ti ti relela wu txi ya txinambwanani ka Kana; ngu wulambwe ka txinambwana, madhoropa a Efrayime ma ti ti hagari ka madhoropa a ka Manasi, i ti a ka Efrayime; muhingano wa ka Manasi wu ti ti pinda ngu wuphemba ka txinambwana, wu txi ya gwitela lineneni.

Joxuwa 16:8

Kukhukhela Tapuwa, muhingano wu komba kuya mswa-ditambo, kala ka txinambwana txa Kana, wu txi ya gwitela lineneni. Ayiya i thomba ya lihunzu la vanana va ka Efrayime, madingano ni timwaya tawe.

Joxuwa 16:10

Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

2 Samuwele 2:9

Se a to m'veka kuva mfumeli txitimwi ka Gileyadhi, ni txitimwi ka Asuri, ni txitimwi ka Jezireyeli, ni txitimwi ka Efrayime, ni txitimwi ka Bhenjamini, ni txitimwi ka votshe va ka Israyeli.

1 Makronika 7:28

Se tithomba takwe ni wukhalo wo aka ka wona i ti ti Bheteli, ni makhalo o fumelwa ngu ngene; se ngu wutxani i Naharani; ngu mswa-ditambo i Gezeri, ni makhalo o fumelwa ngu ngene, ni Sikemi ni makhalo o fumelwa ngu ngene, kala Aya ni makhalo o fumelwa ngu ngene;

Ezekhiyele 48:5

Se hafuhi ni muhingano wa Manasi, kukhukhela ka didhawa da wutxani kala mswa-ditambo, Efrayime njikhwemu tximwetxo.