Joxuwa 16:10 - Bhiblia Yo Sawuleka

¹⁰ Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

Joxuwa 16:10 Referans Kwoze

Valamuli 1:29

Efrayime kha nga za e tutumisa Vakanana vale va nga ti akile Gezeri; aniko Vakanana va to simama ve zumba hagari kwawe, kona Gezeri.

1 Vafumeli 9:16

Nguko Faro, mfumeli wa Egipta, a kwelete eya honyola ni kuhisa Gezeri, se e dayela Vakanana vale va nga ti hanya didhoropani, a to ningela mwanana wakwe ku a txiva msikati wa Solomoni.

Joxuwa 17:13

Mbimo yi vanana va ka Israyeli va nga maneka va di ni mtamo, ve fumela Vakanana va to va ninga mithumo yo nemela, aniko kha va va tutumisa.

1 Vafumeli 9:21

ka vanana vawe vale va nga sala ditikoni, avale va nga mbi fuviswa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.

Joxuwa 15:63

Vajebhusi va ngadi akile Jerusalema, vanana va ka Judha kha va sikota ku va tutumisa; ngu mhaka yeto Vajebhusi kala nyamsi va ngadi akile kona Jerusalema, kumweko ni vanana va ka Judha.

Joxuwa 10:33

Sekoko Horamu, mfumeli wa Gezeri, a to ta kasi ku ta vhuneta Lakisi, aniko Joxuwa a to m'daya, kumweko ni vathu vakwe, asi siyi ni wammweyo.

Joxuwa 16:9

Vanana va ka Efrayime va ti ni madhoropa awe hagari ka thomba ya vanana va ka Manasi; madhoropa awa ma ti ni sidhoropana sa ona.

Joxuwa 17:12

Aniko nguko vanana va ka Manasi va nga mbi sikota kukhozisa madhoropa awa, Vakanana va to tsana va txi aka ditikonimo.

1 Vafumeli 9:15

Mfumeli Solomoni a vekile mhaka ya resa, kasi kuaka Nyumba ya Mkoma, ni nyumba yakwe ene, ni Milo, ni diguma da Jerusalema, kumweko ni Hazori ni Megidhu, ni Gezeri.

2 Makronika 8:8

ka vanana vawe vale va nga sala ditikoni, avale va nga mbi va fuvisa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.