Joxuwa 15:2 - Bhiblia Yo Sawuleka

² Muhingano wa kona wa wulambwe, wu khukhela magwito ka Linene la Mnyu, ngu didhawa ka yiphwa, ayi yi wonanako ni wulambwe,

Joxuwa 15:2 Referans Kwoze

Ezekhiyele 47:8

Sekoko a to khene kwangu: Mati awa ma khulungela kuya wutxani, ma relela me ya tithembweni, ma txi ya wulela lineneni; se ma txi hoka lineneni, ma na ya va mrende ka mati a lineneni.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Genesisi 14:3

Votshe vafumeli vava, va to tshangana mkovani ka Sidhime, i ku Linene la Mnyu.

Ezekhiyele 47:18

Se muhingano wa wutxani, hagari ka Hawurami, ni Dhamasku, ni Gileyadhi, ni ditiko da ka Israyeli, i nava Jordhani; mi na pimeletela kukhukhela muhinganoni ka wulambwe kala ka Linene la wutxani; awuwa i nava muhingano wa wutxani.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Mitengo 34:3

Didhawa da wulambwe, di na khukhela ka txiwula txa Zini, kala ka mihingano ya Edhomi; se m'hingano wa wulambwe wu na khukhela magwito ka Linene la Mnyu, kala ka didhawa da wutxani.

Joxuwa 15:1

Txyavelo txa lihunzu la vanana va ka Judha, madingano ni timwaya tawe, txi manekile txi txi hoka muhinganoni ka Edhomi, kukhukhela txiwulani ka Zimi, mmangoni ka diphambo da wulambwe.

Joxuwa 15:3

wu txi komba kuya wulambwe mmangoni ka Akrabhime, wu txi pinda ngu Zimi, wu txi ya wulambwe ka Kadhesi-Bharneya, wu txi pinda ngu Hebroni, wu txi ya ngu Adhari, wu txi tshumela wu txi ya Karika;