Joxuwa 15:16 - Bhiblia Yo Sawuleka

¹⁶ Se Kalebhi a to khene: “Awule a no khozisa didhoropa da Kiriyati-Raferi e di teka, ni na mninga mwanana wangu Akisa, a txi maha msikati wakwe.”

Joxuwa 15:16 Referans Kwoze

Valamuli 1:6

Hambi keto, Adhoni-Bhezeki a to thava, aniko va to mlondeta, veza va txi mñola, va txi m'wila titiho ta vanyagotwe, ta manzani ni ta mikondoni.

Joxuwa 15:15

Koneyo a to khukha a txi yalwa ni vathu va Dhebhiri, didhoropa di, kale, di nga ti dhanwa ku i Kiriyati-Referi.

Joxuwa 15:17

Sekoko Otoniyeli, mwana Kenazi, mwanawe Kalebhi, a to mteka, se Kalebhi a to mninga Akisa, mwanana wakwe, a txi va msikati wakwe.

1 Samuwele 17:25

va txi kha vona: Ina mi mwoni wamwamna wule a kwelelako kani? Se a kwelete ku ta ruketela va ka Israyeli. Ku na maheka tito, awule a no m'daya, mfumeli a na mninga thomba yayingi ngutu, e mninga ni mwanana wakwe wa dihorana, ni kumaha ti taku nyumba ya tate wakwe yi txhatxheka ko diha khupo kona Israyeli.

1 Makronika 2:49

Se msikati wa Sahafi, tate wa Madhimana, a to veleka Sevha, tate wa Makibhena, tate wa Gibheya; mwanana wa dihorana wa Kalebhi, i Akisa.