Biblia Todo Logo
Bib sou entènèt

- Piblisite -




Joxuwa 15:11 - Bhiblia Yo Sawuleka

11 wu txi hoka mkovani ka Ekroni kuya wuphemba, ni kuya Sikeroni, wu txi pinda ngu mmangoni ka Bhahala, wu txi hoka Jabheheli, wu txi ya gwitela lineneni.

Gade chapit la Kopi




Joxuwa 15:11
15 Referans Kwoze  

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.


Vona va to xamula ku kha vona: Hi to manana ni wamwamna wokari a txi khene: Tshumelani mi tsula ka mfumeli wule a nga mi ruma, mi txi ya khanu: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani? Se ngu kumaha keto, khu na mbi txhika ngu ha m'bhedhuni, kha ditshuri u na fa.


Se madhoropa ale Vafilista va nga ti honyote ka va ka Israyeli, ma tshumetetwe ka va ka Israyeli, kukhukhela Ekroni an'ze Gati; ni mihingano ya Israyeli yi txhatxhisilwe manzani ka Vafilista; se ku to maneka kudikha hagari ka va ka Israyeli ni ka Vaamori.


Sekoko va to rumela dibhokiso da Txizimu didhoropani ka Ekroni. Ku to maheka koko tito, mbimo yi dibhokiso da Txizimu di nga wulela Ekroni, va ka Ekroni va to pekeletela tihuwa, va txi kha vona: Va hi nehete dibhokiso da Txizimu txa ka Israyeli, kasiku ta hi daya, athu ni va kakwathu.


Ekroni ni madhoropa a kona ni sidhoropana sa kona.


Kukhukhela txitimwi ka muhingano wu komba kuya mlongani ka mati a Neftowa, wu txi komba kuya madhoropani ka mmango wa Efroni, wu tshumela wu txi komba kuya Bhahala i ku Karime-Tiyarime.


Kukhukhela Bhahala, muhingano wa tenderuka, ngu mswa-ditambo, wu txi komba kuya mmangoni ka Seyiri, na wu txi pinda ngu mthekani ka mmango wa Jeiyarime, wu txi komba kuya wuphemba i ku Kesaloni, wu txi relela ngu Bheti-Semesi, wu txi tshawunyeta Timina,


Muhingano wa mswa-ditambo, ngu Linene la hombe. Ayiya ngu yona mihingano ya vanana va ka Judha, madingano ni timwaya tawe.


Sekoko vavamna va ka Israyeli ni va ka Judha va to khukha, ve tsaka ngutu, ve tutumisa Vafilista kala kuya hoka mkovani ni kala kuya hoka ka sike sa Ekroni; se sirumbi sa Vafilista si to mbambamela hanzila, kukhukhela Saharayimi kala Gati ni kuya hoka Ekroni.


Ngu didhawa da mswa-ditambo, mi na maha muhingano ngu Linene la Hombe; linene ngu wona muhingano wanu wa mswa-ditambo.


Judha a to teka Gaza ni mihingano yakwe, ni Axikaloni ni mihingano ya kona, ni Ekroni ni mihingano ya kona.


Ngu kumaha keto, va to rumela mtumi kuya sengeleta votshe vathangeli va Vafilista, va txi kha vona: “Hi na maha txani athu ngu dibhokiso da Txizimu txa va ka Israyeli kani?” Se va to xamula va txi kha vona: Dibhokiso da Txizimu txa ka Israyeli di na horoleke Gati. Ngu kumaha keto, va to ya rwala dibhokiso da Txizimu txa ka Israyeli ve horoloka nado.


Se a to huma ni yimbi yakwe a yalwa ni Vafilista, a to khundumusela diguma da Gati, ni diguma da Jabhini ni da Asidhodhi, a to aka madhoropa ditikoni da Asidhodhi ni ditikoni da Vafilista.


Swiv nou:

Piblisite


Piblisite