Joxuwa 15:1 - Bhiblia Yo Sawuleka

¹ Txyavelo txa lihunzu la vanana va ka Judha, madingano ni timwaya tawe, txi manekile txi txi hoka muhinganoni ka Edhomi, kukhukhela txiwulani ka Zimi, mmangoni ka diphambo da wulambwe.

Joxuwa 15:1 Referans Kwoze

Ezekhiyele 47:19

Se muhingano wa wuphemba wu na khukhela Tamari, kala matshanganoni ka mati a Kadhesi, hafuhi ka txinambwana, kala ka Linene la Hombe.

Joxuwa 14:2

Ku to abaniselwa thomba, nga ti Mkoma a nga leleta ngu txisofu txa Mosi, ka tihunzu ta mtxhanu ni mune, ni hafu ya lihunzu.

Marku 3:8

ni Jerusalema, ni Idhumeya ni kheya mtxhatuko ka Jordhani, ni matikoni ka Tiro ni Sidhoni, va to gudhuka ve ta kwakwe, i di vavangi ngutu, ngu kupfa totshe ti ene a nga ti maha.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Dhewuteronome 32:51

Nguko mi ni onhete hagari ka vanana va ka Israyeli, matini ka Meribha-Kadhesi, txiwulani ka Zimi, nguko kha ma ni sawulekisa, hagari ka vanana va ka Israyeli.

Joxuwa 15:2

Muhingano wa kona wa wulambwe, wu khukhela magwito ka Linene la Mnyu, ngu didhawa ka yiphwa, ayi yi wonanako ni wulambwe,

Joxuwa 18:5

Va na bhandelela ditiko ngu mtxhanu wa syavelo ni simbidi. Judha a na zumba ditikoni kwakwe, wulambwe; va lihunzu la ka Josefa va na zumba ditikoni kwawe, wuphemba.

Ezekhiyele 48:7

Se hafuhi ni muhingano wa Rubheni, kukhukhela ka didhawa da wutxani kala mswa-ditambo, Judha, njikhwemu tximwetxo.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.