Joxuwa 14:9 - Bhiblia Yo Sawuleka

⁹ Ka donedo ditshiku, Mosi a xambanyile a txi khene: “Ngu ditshuri, ditiko di, di nga kandwa ngu mkondo wako, di na kulumba di txi maha thomba yako, ni ya vanana vako, kala kupinduka, nguko u engisile ngu kutsana Mkoma, Txizimu txangu.”

Joxuwa 14:9 Referans Kwoze

Joxuwa 1:3

Wotshe wukhalo wu mikondo yanu yi no kanda, ani ni mi ningile, nga kule ni nga womba ka Mosi.

Dhewuteronome 1:36

hahanze ka Kalebhi, mwana Jofone, ene a na di wona. Ni na mninga ditiko di a nga pinda ngu ka dona, kumweko ni vanana vakwe, nguko ene a ti karatile e londeta nzila ya Mkoma, asi kanakani.

Mitengo 13:22

Se ve kwela ngu didhawa da wulambwe ka kona, veza ve hoka Hebroni; eho ku nga ti zumbile Ahimani, ni Sezayi, ni Talimayi, vatukulu va Anaki (Hebroni ngu kona ko khata kuakwa ngu masoni ka mtxhanu wa malembe ni mambidi na ku si se akwa Zowani, ka Egipta.)

Dhewuteronome 11:24

Otshe makhalo ale mikondo yanu yi no ma kanda, ma nava i di anu. Ditiko danu di na khukhela txiwulani ka Libhanoni, ni kukhukhela mnamboni ka Ewufrate, kala lineneni ka mswa-ditambo.

Joxuwa 14:10

Kukhukhela konako, Mkoma a ni xayisile ni txi hanya nga ti a nga themibisa. Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe.

Valamuli 1:20

Se Hebroni a to ningelwa ka Kalebhi, nga ti Mosi a nga va leletisa tona, kambe kukhukhela koneho a to tutumisa vanana vararu va Anaki.

Masalmo 37:9

Sigevenga si na loviswa, aniko avale va thembako Mkoma va na mana thomba ya mafu.