Joxuwa 14:6 - Bhiblia Yo Sawuleka

⁶ Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

Joxuwa 14:6 Referans Kwoze

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.

Mitengo 14:24

Kambe Kalebhi, txithumi txangu, awu a ku ni moya wo hambana ni vamwani va nga mninga mtamo. Ni kambe a ni engisile ngu kuhetiseka. Ene ni na mmaha a txi wulela ditikoni mule, a na va ka dona, ni liveleko lakwe li na di fuma.

Mitengo 13:6

ka lihunzu la Judha i Kalebhi, mwana Jefoni;

Joxuwa 14:14

Ngu tona eto, Hebroni i thomba ya Kalebhi, mwana Jefoni Mkenezi, kala nyamsi, nguko a londetile Mkoma, Txizimu txa Israyeli, asi rereki.

Mitengo 14:6

Se Joxuwa, mwana Nune, ni Kalebhi, mwana Jefoni, va to vharulela simaha sawe, nguko mbamwevo va vale va nga ti tsute kuya xola ditiko.

Joxuwa 15:17

Sekoko Otoniyeli, mwana Kenazi, mwanawe Kalebhi, a to mteka, se Kalebhi a to mninga Akisa, mwanana wakwe, a txi va msikati wakwe.

Mitengo 32:12

Hahanze ka Kalebhi, mwana Jefoni, wa Mukenezi, ni Joxuwa, mwana Nune, ngu vona va nga timisela, ve londetela Mkoma.

Mitengo 13:26

Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Masalmo 90:1

Mkoma, awe u wuthavelo wathu ka liveleko ni liveleko.

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

2 Vafumeli 8:11

Se a to mronolela a txi muwonisisa, eza ewa tingana; se m'thu wa Txizimu, a to dila.

2 Vafumeli 8:7

Msana keto, Elixa a to ya Dhamasku, na a txi lwala Bheni-Hadhadhe, mfumeli wa Siriya; se va to m'gela ku kha vona: A bwakile m'thu wa Txizimu.

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

2 Vafumeli 4:16

Se Elixa a to khene: Ka yona yiya mbimo, hi txi hanya, u na hingekela mwanana wa mfana. Awule wamsikati a to peka huwa a txi khene: Lambi, awe tata, m'thu wa Txizimu, u nga hembele txithumi txako!

2 Vafumeli 4:9

Wamsikati wule a to khene ka mwamna wakwe: Ni wona taku awu a tolovelako kupinda ngu hawa, mbwamwamna wo sawuleka wa Txizimu.

1 Vafumeli 13:14

Se a to londisa m'thu wule wa Txizimu, a to ya mmana a di khalahatshile hahatshi ka mndonga wa mkusu, a nje khene kwakwe: Ngawe m'thu wa Txizimu u nga ta ngu Judha kani? Se ene a to khene: Ngani.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

Joxuwa 10:43

Sekoko Joxuwa ni votshe va ka Israyeli, va to tshumela ve wuya wugoveloni ka Giligali.

Joxuwa 4:19

Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Dhewuteronome 34:10

Ka va ka Israyeli, kha nga humelela kambe mmwani mprofeti wo fana ni Mosi, awu Mkoma a nga m'ziva, khohe ni khohe.

Dhewuteronome 34:5

Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Mitengo 13:30

Sekoko konaho Kalebhi a to malata vathu, va va nga ti tshanganile masoni ka Mosi, a txi khene: “A hi tsimbileni hi ya teka ditiko, nguko kha ditshuri hi na ya va xula.”

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

1 Makronika 23:14

Aniko ngu ka Mosi, m'thu wa Txizimu, vanana vakwe va batwe hagari ka lihunzu la ka Levhi.