Joxuwa 14:4 - Bhiblia Yo Sawuleka

⁴ Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

Joxuwa 14:4 Referans Kwoze

Genesisi 48:5

Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Genesisi 41:51

Se Josefa a to raya matiwula akwe ditina daku i Manasi, a txi khene: “Txizimu txi ni mahile ni divala sixaniso sangu ni wotshe m'ti wa tate wangu.”

Genesisi 46:20

Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.

Genesisi 48:1

Msana ka toneto, ku mahekile tito, ve gela Josefa va txi kha vona: Tate wako wa lwala. Sekoko a to teka vanana vakwe va vambidi, Manasi ni Efrayime e tsula navo.

Mitengo 26:28

Vanana va Josefa ngu tinyumba tawe, i Manasi ni Efrayime.

2 Makronika 30:1

Ezekhiya a to rumela mitumi ka dotshe ditiko da Israyeli ni da Judha atxi bhalela mapapilo va ka Efrayime ni va ka Manasi e va ramba kuta Nyumbani ka Mkoma, kona Jerusalema, ve ta maha Pasika ya Mkoma, Txizimu txa Israyeli.

Genesisi 41:52

Mwanana wa wumbidi, a mrayile ditina daku i Efrayime, a txi khene: “Txizimu txi ni mahile ni anda ngu vanana ditikoni muwa ka kuxupheka kwangu.”

Genesisi 48:6

Se liveleko lako, ali u no veleka msana ka vava, evo va na va i di vako; va na amukela ni vona txyavelo ka thomba yi yi lumbako vanawe.

Joxuwa 16:4

Atxiya ngu txona txyavelo txa thomba, va nga txi mana vanana va Josefa, ene Manasi ni Efrayime.