Joxuwa 14:12 - Bhiblia Yo Sawuleka

¹² Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

Joxuwa 14:12 Referans Kwoze

Vahebheru 11:33

Vona, ngu likholo, va xute matiko, va lamute ngu kululama, va mani asi va nga ti thembisilwe sona, va vhate sisofu sa tingonyamo,

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Mitengo 13:33

Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”

Mitengo 13:28

Kambe vathu va nga aka ka ditikodo, mbathu va mtamo; madhoropa awe mikhokhola ya hombe ngutu; koneyo kambe, hi woni vatukulu va ka Anaki.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Joxuwa 15:14

Kalebhi a tutumisile kona didhoropanimo vanana vavararu va Anaki: Xexayi, Ahimani ni Talimayi, vanana va lihunzu la ka Enake.

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Valamuli 1:20

Se Hebroni a to ningelwa ka Kalebhi, nga ti Mosi a nga va leletisa tona, kambe kukhukhela koneho a to tutumisa vanana vararu va Anaki.

Mitengo 21:34

Se Mkoma a to khene ka Mosi: U nga thave, nguko ene ni mningete manzani kwako, ene ni vathu vakwe votshe, ni ditiko dakwe dotshe; u na maha kwakwe madingano ni ti u nga maha ka Sihoni, mfumeli wa Vaamori, awu a nga ti akile Hesibhoni.

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

2 Vafumeli 19:4

Ti nga nda maheka ti to Mkoma Txizimu txako, a txi engisa otshe mapswi a Rabhisake, awule a nga rumwa ngu nyamne wako, i ku mfumeli wa Asiriya, ku ta duka Txizimu txa kuhanya; khongelela sotshe sile u si alakanyako.”

Dhewuteronome 9:1

Awe Israyeli, engisa: Nyamsi u na txhatuka mnambo wa Jordhani, kasi kuya khozisa mifumo ya hombe ngutu, ni mtamo wa hombe kupinda awe, ni madhoropa a hombe o bhiywa ngu diguma do lapha kala nzumani.

Dhewuteronome 9:3

Ngu toneto, ti zive nyamsi ti to Mkoma, Txizimu txako, ngene a no thangela masoni kwako, kufana ni mndilo wo hisa; ngene a no lovisa ni ku va fuvisa masoni kwako. Sekoko awe u na va hinga, u txi va fuvisa, nga ti Mkoma, a nga womba.