Joxuwa 14:11 - Bhiblia Yo Sawuleka

¹¹ Ni konkuwa, nyamsi ni ngadi tsani kufana ni ditshiku dile Mosi a nga ni ruma, mtamo wangu wa nyamsi, wu fana ni mtamo wangu wa kale, kasi kuya kulwani, kuhuma ni kuwuya.

Joxuwa 14:11 Referans Kwoze

Dhewuteronome 34:7

Mosi a ti ti ni 120 wa malembe, mbimo yi a nga fa; maso akwe ma sa nga karala, ni mtamo wu sanga pwateka kwakwe.

Masalmo 103:5

ngene a ni tatako ngu sihiwa kuhanyani kwangu e wuseta wuphya wangu, wu fana ni wa digamba.

Dhewuteronome 31:2

Nyamsi ni ni 120 wa malembe; kha ni na mbiswa ni va mthangeli wanu kambe, ni Mkoma a ni gete a txi khene: “Khu na mbi txhatuka mnambo wa Jordhani.

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

Joxuwa 14:10

Kukhukhela konako, Mkoma a ni xayisile ni txi hanya nga ti a nga themibisa. Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe.

Dhewuteronome 33:25

Sikhoto sako si na va sa simbi ni koporo; mtamo wako wu na simama nga masiku a kuhanya kwako.”

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.