Joxuwa 14:10 - Bhiblia Yo Sawuleka

¹⁰ Kukhukhela konako, Mkoma a ni xayisile ni txi hanya nga ti a nga themibisa. Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe.

Joxuwa 14:10 Referans Kwoze

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.

Joxuwa 11:18

Joxuwa a lwite ni votshe vafumeli vale, ka mbimo yo lapha ngutu.

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.

Joxuwa 14:9

Ka donedo ditshiku, Mosi a xambanyile a txi khene: “Ngu ditshuri, ditiko di, di nga kandwa ngu mkondo wako, di na kulumba di txi maha thomba yako, ni ya vanana vako, kala kupinduka, nguko u engisile ngu kutsana Mkoma, Txizimu txangu.”

Joxuwa 14:11

Ni konkuwa, nyamsi ni ngadi tsani kufana ni ditshiku dile Mosi a nga ni ruma, mtamo wangu wa nyamsi, wu fana ni mtamo wangu wa kale, kasi kuya kulwani, kuhuma ni kuwuya.

Masalmo 91:7

1.000 wa vathu va na wa didhawa kwako, ni 10.000 txinene kwako, aniko awe khu na mbi hokelwa.

Masalmo 107:4

Va to timela, ve pengapenga txiwulani, va si mani nzila ya ku va yisa ka didhoropa do zumba ka dona;

Mitengo 14:38

Kambe Joxuwa, mwana Nune, ni Kalebhi, mwna Jefoni, ava va nga ti tsute kuya xola ditiko, va to sala ve hanya!