Joxuwa 13:3 - Bhiblia Yo Sawuleka

³ kukhukhela Xihori ku ku masoni ka Egipta, kala mihinganoni ka Ekroni ka wuphemba, ditiko di va ku kha vona nda Vakanana, mtxhanu wa vathangeli va Vafilista, i ku vava: Mthangeli wa Gaza, wa Asihodhe, wa Asikaloni, wa Gati ni wa Ekroni; ni Vahevhi;

Joxuwa 13:3 Referans Kwoze

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Dhewuteronome 2:23

Ngu Vahevhi, vale va nga ti akile mikhokholani kala Gaza, Vakafitori va va londisile, na va txi khukhela Kafitori, va txi aka makhaloni kwawe.

1 Samuwele 6:4

Sekoko Vafilista va to kha vona: I mhamba muni yo dihela mnandu hi no txi ninga kani? Se vaphaxeli ni tiñanga, va to kha vona: Madingano ni mtengo wa vathangeli va Vafilista, mi na rumela mtxhanu wa sithunye sa nzalama ni mtxhanu wa makonzo a nzalama, nguko anu motshenu ni vathangeli vanu mi wetwe ngu mtungu wumwewo.

Joxuwa 13:13

Ti di ngeto, vanana va ka Israyeli, kha va tutumisa va ka Gesuri, hambi va ka Mahakate; ngu toneto va ka Gerusi ni va ka Mahakate, va ngadi ho kala nyamsi hagari ka va ka Israyeli.

Genesisi 10:6

Vanana va Kame ngu vava: Kuxe, ni Mesirayime, ni Pute, ni Kanana.

Valamuli 16:5

Sekoko vathangeli va Vafilista va to tsula va txi ya gela Dhalila, va ku kha vona: Mphungaletele kasiku u na ziva amu wutako ngu kona mtamo wakwe wa hombe, ni ti to hi nga sikotisa kutxani ku mxula ni ku msunga, kasi hi txi mxanisa; se mmwani ni mmwani kwathu, a na kuninga male ya 1.100 wa maxekele a silivhela.

1 Samuwele 5:1

Vafilista koko, va to teka dibhokiso da Txizimu kona Ebhenezeri ve tsula nado Asidhodhe.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

Isaya 23:3

Se thomba yakwe i ti ti mbewu ya mnamboni, yi nga ti tita ni mati amangi, ni sa kufunyelwa mnamboni ka Nilo; kambe ene i ti ti txikombiso txa matiko.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

1 Samuwele 5:8

Ngu kumaha keto, va to rumela mtumi kuya sengeleta votshe vathangeli va Vafilista, va txi kha vona: “Hi na maha txani athu ngu dibhokiso da Txizimu txa va ka Israyeli kani?” Se va to xamula va txi kha vona: Dibhokiso da Txizimu txa ka Israyeli di na horoleke Gati. Ngu kumaha keto, va to ya rwala dibhokiso da Txizimu txa ka Israyeli ve horoloka nado.

1 Samuwele 5:10

Sekoko va to rumela dibhokiso da Txizimu didhoropani ka Ekroni. Ku to maheka koko tito, mbimo yi dibhokiso da Txizimu di nga wulela Ekroni, va ka Ekroni va to pekeletela tihuwa, va txi kha vona: Va hi nehete dibhokiso da Txizimu txa ka Israyeli, kasiku ta hi daya, athu ni va kakwathu.

1 Makronika 13:5

Dhavhidha koko a to sengeleta votshe va ka Israyeli, kukhukhela Siyori wa Egipta kala Hamati, kasi ku veya teka dibhokiso da Txizimu, kona Kiriyate-Jeyarimi.