Joxuwa 13:22 - Bhiblia Yo Sawuleka

²² Nene Bhalamu, mwana Bheyori, awu i nga ti nyamsoro, vanana va ka Israyeli va mdate, ngu ditxhari, kumweko ni vale va nga dawa.

Joxuwa 13:22 Referans Kwoze

Mitengo 31:8

Va to daya vamwani, kuleka vale va nga ti datwe, i ku vafumeli va Vamidhiyani, i ku Evhi, ni Rekemi, ni Zuri, ni Huri, ni Rebha, eko mtxhanu wa vafumeli va Vamidhiyani; ni Bhalahamu, mwana Bheyori, va nga m'daya ngu ditxhari.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

Mitengo 24:1

Ngako Bhalahamu a di woni ti to Mkoma a ti wona i di tinene masoni kwakwe, kukatekisa Israyeli, kha ngava ni mipimiso yo maha ngu kuhutetela, ku nga simwani sikhati; konaho a to tshembereka e wonetela txiwulani.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Mitengo 24:14

Konkuwa koko, ani na tsula ka vakakwathu, ngono ni ta kuzivisa ati vathu vava va no maha, ka vathu vako ka masiku o gwitisa.”

Joxuwa 13:23

Ngu toneto, muhingano wa ditiko da vanana va ka Rubheni, i ti mnambo wa Jordhani. Eyo ngu yona thomba ya vanana va ka Rubheni, ngu timwaya tawe, ni madhoropa a kona ni miti ya kona.