Joxuwa 13:2 - Bhiblia Yo Sawuleka

² Ditiko di di ku ngadi sate ngu diya: Yotshe mihingano ya Vafilista ni dotshe ditiko da Gexure,

Joxuwa 13:2 Referans Kwoze

Joxuwa 13:11

Ni Gileyadhi ni ditiko da Gesuri ni da Mahakate, ni wotshe mmango wa Hermoni, ni dotshe ditiko da Bhasani kala Salika;

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.

1 Samuwele 27:8

Dhavhidha a to kwelela ni vathu veya xasela Vagesuri, ni Vagerisi, ni Vaameleki; nguko kale i ti ti vona vahanyi va ditiko dile, kukhukhela Suri kala ditikoni ka Egipta.

Valamuli 3:1

Ayiya koko, ngu yona mifumo yi Mkoma a nga yi siya, kasi ku ngu yona e duka Israyeli, i ku votshe vale va nga mbi ziva totshe tiyimbi ta Kanana.

2 Samuwele 15:8

Nguko mbimo yile ani txithumi txako ni nga ti ti zumba Gesuri, ka Siriya, ni xambanyile, ni txi khani: Ngako Mkoma a txo ni wuyisa kambe Jerusalema, ni na ya thumela Mkoma.

2 Samuwele 3:3

se wa wumbidi i Kileyabhe, wo velekwa ngu Abhigayeli, msikati wa Nabhali, mukarmeli; wa wuraru i Abhisalome mwana Mahaka, mwana Talimayi, mfumeli wa Gesuri;

Joxuwa 13:13

Ti di ngeto, vanana va ka Israyeli, kha va tutumisa va ka Gesuri, hambi va ka Mahakate; ngu toneto va ka Gerusi ni va ka Mahakate, va ngadi ho kala nyamsi hagari ka va ka Israyeli.

Joxuwa 12:5

a ti ti fuma mmangoni ka Hermoni ni Salika, ni dotshe da Bhasani, kala ka muhingano wa ditiko da Bhexure, ni da Mahakate, ni hafu ya Gileyadhi, kala ka mihingano ya Seyoni, mfumeli wa Hesibhoni.

Genesisi 26:1

Ku to humelela yimwani nzala ditikoni, hahanze ka nzala yo khata, yi nga humelela ka mbimo ya Abrahama, se Isaake a to tsula Gerara ka Abhimeleki, mfumeli wa Vafilista.

Genesisi 10:14

ni va Patrosi, ni va Karelu, ni va Kafitori, ahale va nga humela kona Vafilista.

Dhewuteronome 3:14

Jayiri, mwana Manasi, a tekile dotshe ditiko da Argobha, kala mihinganoni ka va ka Gesuri, ni va ka Mahakate, a txi di raya ditina dakwe, madhoropa a Bhasani, ni nyamsi ni kuwa, ma ngadi ma txi dhanwa ku i madhoropa a ka Jayiri).

Zefaniya 2:5

Dikhombo ka vale va zumbako mabambe ka linene, vathu va Kereti! Dipswi da Mkoma di na mi wukela, awe Kanana, ditiko da Vafilista, se ani ni na mi maha mi hoxoka, kala kuza ku si maneki vazumbi.