Joxuwa 12:5 - Bhiblia Yo Sawuleka

⁵ a ti ti fuma mmangoni ka Hermoni ni Salika, ni dotshe da Bhasani, kala ka muhingano wa ditiko da Bhexure, ni da Mahakate, ni hafu ya Gileyadhi, kala ka mihingano ya Seyoni, mfumeli wa Hesibhoni.

Joxuwa 12:5 Referans Kwoze

Dhewuteronome 3:14

Jayiri, mwana Manasi, a tekile dotshe ditiko da Argobha, kala mihinganoni ka va ka Gesuri, ni va ka Mahakate, a txi di raya ditina dakwe, madhoropa a Bhasani, ni nyamsi ni kuwa, ma ngadi ma txi dhanwa ku i madhoropa a ka Jayiri).

1 Samuwele 27:8

Dhavhidha a to kwelela ni vathu veya xasela Vagesuri, ni Vagerisi, ni Vaameleki; nguko kale i ti ti vona vahanyi va ditiko dile, kukhukhela Suri kala ditikoni ka Egipta.

Joxuwa 13:11

Ni Gileyadhi ni ditiko da Gesuri ni da Mahakate, ni wotshe mmango wa Hermoni, ni dotshe ditiko da Bhasani kala Salika;

2 Vafumeli 25:23

Mbimo yile va nga tiengisa vathangeli va tiyimbi, vona ni vavamna vale mfumeli wa Bhabhilona a nga va vekela Gedhaliya kuva wa hombe wawe, va tile ka Gedhaliya kona Misipa, i ku vava: Ismayeli, mwana Netaniya, Jowanani, mwana Kareya, Seraya, mwana Tanumete wa Netofati, ni Jazaniya, mwana Mahakate, vona ni vavamna.

2 Samuwele 23:34

Elifeleti, mwana Ahasibhayi, mwana muahakati; Eliyani mwana Ayitofeli, mugiloni;

2 Samuwele 15:8

Nguko mbimo yile ani txithumi txako ni nga ti ti zumba Gesuri, ka Siriya, ni xambanyile, ni txi khani: Ngako Mkoma a txo ni wuyisa kambe Jerusalema, ni na ya thumela Mkoma.

2 Samuwele 13:37

Ngu kumaha keto, Abhisalome a to thava eya ka Talimayi, mwana Amiyudhe, mfumeli wa Gesuri. Se Dhavhidha a to dila mwanana wakwe ka otshe masiku ale.

2 Samuwele 3:3

se wa wumbidi i Kileyabhe, wo velekwa ngu Abhigayeli, msikati wa Nabhali, mukarmeli; wa wuraru i Abhisalome mwana Mahaka, mwana Talimayi, mfumeli wa Gesuri;

Joxuwa 12:1

Avava ngu vona vafumeli va ditiko, avale va nga khoziswa ngu vanana va ka Israyeli, va txi va tekela matiko awe, mtxhatuko ka Jordhani, ngu diphambo da wutxani, kukhukhekla ka txinambwana txa Arnoni kala mmangoni ka Hermoni ni dotshe ditiko da Arabha kala wutxani,

Joxuwa 11:3

ni ka Vakanana va manekako wutxani ni mswa-ditambo, ni ka Vaamori, ni Vaheti, ni Vaferezi, ni Vajebhusi va mmangoni, ni ka Vahevhi va hafuhi ka Hermoni, ditikoni ka Misipa.

1 Makronika 5:11

Se vanana va Gadhi va ti ti akile ngu masoni kwawe, ditikoni ka Bhasani, kala ku ya hoka Salika.

Jeremiya 40:8

Sekoko va to ya ka Gedhaliya aniya Misipa. I ti ti Ismayeli, mwana Netaniya, ni Johanani ni Jonatani, vanana va Kareya, ni Seraya, mwana Tahumete, ni vanana va Efaya munetofa, ni Jezaniya, mwana Mahakate, kumweko ni vathu vawe.