Joxuwa 12:3 - Bhiblia Yo Sawuleka

³ ni kukhukhela libalani kala lineneni ka Kineroti wa wutxani, ni kala kuya hoka Lineneni ka Mnyu, ngu wutxani ngu didhawa da Bheti-Jerimoti, ni wulambwe ngu hahatshi ka mikova ya Pisiga.

Joxuwa 12:3 Referans Kwoze

Dhewuteronome 3:17

Ni va ningile kambe Arabha ni Jordhani, i ku muhingano wa kukhukhela Kinereta, kala ka Linene la Arabha, i ku Linene la Mnyu, hafuhi ka mkova wa wutxani.

Joxuwa 13:20

Bheti-Peyori, ni Asidhote-Pisiga, ni Bhati-Xerimoti,

Joxuwa 11:2

ni ka vafumeli vale va nga aka mmangoni ka wuphemba, ni ka libala la wulambwe ka Kineroti, ni ka matiko a libalani ni mikovani ka Dhori ka mswa-ditambo,

Dhewuteronome 4:49

ni lotshe libala li li ku wutxani, mtxhatuko ka Jordhani, kala ka Linene la Arabha, ngu didhawa da wutxani, kala ka Linene la mkovani, hahatshi ka Asidhote-Pisiga.”

Johani 6:1

Msana keto, Jesu a to tsula mtxhatuko ka Linene la Galileya, li dhanwako kambe ku i Tibheriyadhe.

Joxuwa 15:5

Muhingano wa wutxani ngu Linene la Mnyu, kala mabambe ka mnambo wa Jordhani; se muhingano wa wutxani, ka lidhavi la linene, wu na kukhukhela mabambe ka Jordhani.

Joxuwa 15:2

Muhingano wa kona wa wulambwe, wu khukhela magwito ka Linene la Mnyu, ngu didhawa ka yiphwa, ayi yi wonanako ni wulambwe,

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Mitengo 21:20

Se ngu Bhamoti veya ka mkova wu wu humako ngu thembweni ka Mowabhi, ngu tindundumani ka Pisiga, ngu didhawa da txiwulani.

Genesisi 19:25

Se a to haxula madhoropa ale ni lotshe libala, ni votshe vaaki va madhoropa ni similwa sa mafu.

Genesisi 14:3

Votshe vafumeli vava, va to tshangana mkovani ka Sidhime, i ku Linene la Mnyu.

Luka 5:1

Ngako dibutho da vathu di di tshanganile di ranganyeta Jesu, kasiku ve engisa dipswi da Txizimu, mabambe ka digova da Genezareta,

1 Vafumeli 15:20

Se Bheni-Hadhadhe a to pfisisa mfumeli Asa, se e rumela vathangeli va yimbi avale a nga ti navo kuya ya wisa didhoropa da Israyeli, kambe va to ya xasela Ijomi, ni Dhani, ni Abhele-Bheti-Mahaka, ni dotshe didhoropa da Kinerete, ni dotshe ditiko da Naftali.

Ezekhiyele 25:9

ngu kumaha keto, ani ni na tula ka didhawa da Mowabhi, kukhukhela ka madhoropa, ni ka madhoropa a kule ni mihingano, i ku wudhumo wa ditiko, Bheti-Jesimote, Bhahali-Meyomi, kala Kiriyatayimi;

Mitengo 34:11

Se muhingano wuwa, wu na khukhela Xefamu, kala Ribhila, didhawa da wutxani ka Ayini, wu ngirimela lidhongani ka Linene la Kinereta, ngu didhawa da wutxani.