Joxuwa 12:1 - Bhiblia Yo Sawuleka

¹ Avava ngu vona vafumeli va ditiko, avale va nga khoziswa ngu vanana va ka Israyeli, va txi va tekela matiko awe, mtxhatuko ka Jordhani, ngu diphambo da wutxani, kukhukhekla ka txinambwana txa Arnoni kala mmangoni ka Hermoni ni dotshe ditiko da Arabha kala wutxani,

Joxuwa 12:1 Referans Kwoze

Valamuli 11:18

Ngu msana va to tsimbila ngu mu txiwulani, ve tenderuka ditiko da Edhomi ni da Mowabhi, va txi hoka Mowabhi na va txi ta ngu Wutxani. Vathu va to ya gova mtxhatuko ka Arnoni, kambe kha va wulela ditikoni ka Mowabhi, nguko Arnoni a maha muhingano ni Mowabhi.

Joxuwa 1:15

kala kuza Mkoma a txi ninga kuhumula ka vananu, kufana ni nanu, se ni vona va na mane ditiko di Mkoma, Txizimu txanu, a va ningako; sekoko mi na tshumelela ka ditiko di di mi lumbako, a nga mi ninga Mosi, txithumi txa Mkoma, akheno mtxhatuko ka Jordhani, ngu didhawa da wutxani.

Mitengo 21:24

Se Israyeli a to va tholetela ngu matxhari, e va khozisa, e teka ditiko dawe, kukhukhela Arnoni kala Jabhoki, kala ka vanana va ka Amoni; nguko m'hingano wa vanana va ka Amoni, wu ti ti ni mkhokhola wa hombe.

Mitengo 21:13

Konaho va to khukha veya gova ngu mtxhatuko ka lidhonga la Arnoni, li khukhelako txiwulani, ditikoni ka Vaamori, nguko lidhonga la Arnoni li maha m'hingano hagari ka Mowabhi ni Vaamori.

Isaya 16:2

Nguko mahorana a Mowabhi mata mabeloni ka Arinoni, kufana ni sinyana si si purumako, ni mavhondo a ma hangalaswako sisakani ka ona.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Joxuwa 11:17

kukhukhela mmangoni ka Halake, wu pindako ngu Seyiri, kala Bhahali-Gadhe, mkovani ka Libhanoni, makhatoni ka mmango wa Hermoni; kambe a to ñola votshe vafumeli va kona, a txi va daya.

Joxuwa 11:3

ni ka Vakanana va manekako wutxani ni mswa-ditambo, ni ka Vaamori, ni Vaheti, ni Vaferezi, ni Vajebhusi va mmangoni, ni ka Vahevhi va hafuhi ka Hermoni, ditikoni ka Misipa.

Dhewuteronome 4:48

Kukhukhela Aroweri, ku ku ngu mabambe ka txinambwana txa Arnoni, kala mmangoni ka Siyoni, kudhanwako kambe ti to i Hermoni,

Dhewuteronome 2:24

Khukhani mi tsula, mi txi txhatuka txinambwana txa Arnoni. Wona, ni mningete manzani kwako, Seyoni, mfumeli wa Hesibhoni, Muamori, ni ditiko dakwe; khata ngu ngene u txi mkhozisa; u mtekela ditiko.

Mitengo 32:19

Nguko kha hi na mbi va ni thomba hagari kwawe, akhe mtxhatuko ka Jordhani, hambi kuya masoni; nguko yathu thomba, hi na yi mana wutxani, ka mtxhatuko wa Jordhani.

Mitengo 32:33

Ngu toneto, Mosi a to teka ditiko da Sihoni, mfumeli wa Vaamori, ni ditiko da Oge, mfumeli wa Bhasani, e ninga vanana va ka Rhubeni, ni vanana va ka Gadhi, ni vamwani va lihunzu la ka Manasi, mwana Josefa; ni madhoropa a dona, ni madhoropa awa ma nga ti di ranganyetile.

Joxuwa 13:8

Yimwani hafu ya lihunzu la ka Manasi, kumweko ni va ka Rubheni ni va ka Gadhi, evo va amukete thomba yawe, ayiya Mosi txithumi txa Mkoma, a nga va ninga, mtxhatuko ka Jordhani, ngu diphambo da wutxani,

Masalmo 89:12

U vangile Wuphemba ni Wulambwe; mimango ya Tabhori ni Hermoni ya embelela ditina dako.

Masalmo 136:21

A ningete ditiko dawe di maha thomba; nguko lirando lakwe nda kala kupinduka!

Mitengo 21:21

Sekoko Israyeli a to rumela mitumi ka Sihoni, mfumeli wa Vaamori, kasi kuya womba tiya:

Mitengo 32:32

Athu hi na txhatuka, hi di xomile, masoni ka Mkoma, hiya ditikoni ka Kanana, kambe hi na lumbwa ngu thomba mtxhatuko ka Jordhani.

Dhewuteronome 2:32

Seyoni a to ti huma ni vathu vakwe votshe e hi hingeta, kasi kutalwa ni nathu kona Jahaza.

Dhewuteronome 3:1

Msana ka toneto, hi to tshumela hi txi komba Bhasani. Oge, mfumeli wa Bhasani, kumweko ni vathu vakwe va yimbi, a to hi hingeta kona Edreyi, kasi ku yalwa ni nathu.

Dhewuteronome 4:44

“Ngu wuwa mlayo wule Mosi a nga wu huwelela ka vanana va ka Israyeli.

Dhewuteronome 4:46

Na va di mtxhatuko ka Jordhani, mkovani ka hafuhi ni Bheti-Peyori, ditikoni ka Seyoni, mfumeli wa Vaamori, a nga ti akile Hesibhoni, awule Mosi ni vanana va ka Israyeli, va nga mxula, kuhumani kwawe ngu ditikoni ka Egipta.

1 Vafumeli 4:19

Gebheri, mwana Uri, ditikoni ka Gileyadhi, ditiko da Seyomi, mfumeli wa Vaamori, ni da Oge, mfumeli wa Bhasani; ku ti kova ni mtxawa wumwewo wo vhikela ditiko dile.