Joxuwa 11:6 - Bhiblia Yo Sawuleka

⁶ Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Joxuwa 11:6 Referans Kwoze

Joxuwa 10:8

Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

1 Samuwele 11:9

Sekoko va to kha vona ka mitumi yile yi nga ta: Gelani vathu va Jebhesi-Gileyadhi, mi txi khanu: Mangwana ni mitshikari, ku nata kutxhatxhiswa kwanu. Yi to ta koko mitumi, yi ta zivisa ka vathu Jebhesi, aniko vona va to tsaka.

Valamuli 20:28

se Finiyasi, mwana Eleyazari, mwana Aroni, a ti ti masoni ka dona, ka masiku ale), va txi kha vona: Ina hi nga tshumela kambe hi txi yalwa ni vanana va ka Bhenjamini, vona va i ku vanathu, mwendo hi txi ema kani? Se Mkoma a ti khene: “Tsulani, nguko mangwana ni na va ningela manzani kwanu.”

Joxuwa 11:9

Se Joxuwa a mahile nga ti Mkoma a nga m'gelisa tona; a to wilela misiha ya mahantxhi awe, e hisetela ni sikotxikani sawe kambe.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Isaya 30:16

Aniko mi khanu: Ahim-him; hi na tutuma ngu mahantxhi; hambiko mi na tutuma; kambe mi khanu: Hi na gadha mahantxhi a livilo; ngu mhaka yeto, vatutumisi vanu, va na va ni livilo.

Mavingu 20:7

M'thu wo lulama a tsimbila ditshurini kwakwe; va na kateka vanana vakwe vale va mu engisako.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

2 Makronika 20:16

Mangwana, girimelani mi va yela, vata, va kwelela mmango wa Zizi, mi naya vamana magwito ka mkova masoni ka txiwula txa Jeruyeli.

Joxuwa 3:5

Joxuwa a to khene kambe ka vathu: “Ti sawulekiseni, nguko mangwana Mkoma a na maha sidiwukiso hagari kwanu.”

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Joxuwa 11:5

Votshe vafumelivo va to tshangana, ve ta gova hafuhi ni mati a Merome, kasi kutalwa ni va ka Israyeli.

Joxuwa 11:7

Se Joxuwa ni votshe vathu va yimbi, va to ta ngu kukuluveta veya va mana hafuhi ka mati a Merome, va va txilwa navo.

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Ezekhiyele 39:9

Se vazumbi va madhoropa a ka Israyeli va na huma, va na hisa otshe matxhari ni sitxhavangu, ni malaho, ni tingove, ni tindonga ta manzani, ni miseve; va na turisa mndilo ngu sona, amu ka mtxhanu wa malembe ni mambidi.

Nahume 2:13

Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

2 Vafumeli 6:16

Se Elixa a to khene: U nga thave, nguko mbavangi va emako ni nathu, kupinda vale va ku navo vona.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”