Joxuwa 11:23 - Bhiblia Yo Sawuleka

²³ Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Joxuwa 11:23 Referans Kwoze

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Joxuwa 11:18

Joxuwa a lwite ni votshe vafumeli vale, ka mbimo yo lapha ngutu.

Dhewuteronome 25:19

Ngu toneto, mbimo yi Mkoma, Txizimu txako, a no kuninga kuhumula, a txi kuhulukisa, ka votshe valala vako, avale va ku randelako, ka ditiko dile Mkoma, Txizimu txako, a no kuninga kasi ku u txi di teka di txi maha thomba yako, u fanete kufuvisa ditina da Vaamaleki, hahatshi ka nzuma. U nga divale, ati ni mi gelako.

Dhewuteronome 1:38

Joxuwa m'vhuneteli wako, mwana Nune, ngene a no ya wulela ka dona. Mtsanise a na maha ti to Israyeli e di teka, di txi maha thomba yawe.

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Ezekhiyele 45:8

Se ditiko diya, di na va thomba yakwe, kona Israyeli; kambe vathangeli vangu, kha va na mbi dhuka ve xanisa vathu vangu; vona va na leka ditiko ka nyumba ya ka Israyeli, madingano ni tihunzu tawe.

Joxuwa 12:7

Avava ngu vona vafumeli va ditiko, avale Joxuwa ni vanana va ka Israyeli, va nga va khozisa, akheya mtxhatuko ka Jordhani, ngu diphambo da mswa-ditambo, kukhukhela Bhahali-Gadhe, mkovani ka Libhanoni, kala mmangoni ka Halake, awu wu gulekako ngu didhawa da Seyiri; Joxuwa a to di teka a txi di ningela ka tihunzu ta vanana va ka Israyeli, di maha thomba yawe nga ti va nga abaneliswa tona;