Joxuwa 11:21 - Bhiblia Yo Sawuleka

²¹ Ka yona yile mbimo, Joxuwa a tile e ta lovisa va ka Anaki va mimangoni ka Hebroni, va Dhebhiri, va Anabhi, ni va yotshe mimango ya ka Judha, ni va yotshe mimango ya ka Israyeli; Joxuwa a to va lovisa, kumweko ni madhoropa awe.

Joxuwa 11:21 Referans Kwoze

Dhewuteronome 9:2

Vathu va kona mba hombe, kambe va laphile, mbanana va Anaki, ava u va zivako, avava u nga engisa nduma yawe, va txi kha vona: “I mani a ndi no ema, masoni ka vanana va Anaki kani?”

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Mtuletelo 6:2

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.

Valamuli 1:20

Se Hebroni a to ningelwa ka Kalebhi, nga ti Mosi a nga va leletisa tona, kambe kukhukhela koneho a to tutumisa vanana vararu va Anaki.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Dhewuteronome 2:21

i ti ti vathu va hombe, kambe i ti ti votala, va di ni txiemo txo lapha nga va ka Anaki; kambe Mkoma a va lovisile masoni ka Vaamoni, vale va nga va xula ve va tekela ditiko, ni kuzumba makhaloni kwawe,

Mitengo 13:33

Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”