Joxuwa 11:16 - Bhiblia Yo Sawuleka

¹⁶ Ngu toneto, Joxuwa a to teka dotshe ditiko dile, mimango, ni dotshe da Wulambwe, ni dotshe ditiko da Goxeni, ni tibala, ni mikova, ni mimango ya ka Israyeli, ni tibala ta kona;

Joxuwa 11:16 Referans Kwoze

Joxuwa 10:41

Se Joxuwa a to va khozisa kukhukhela Kadhesi-Bharneya kala Gaza, ni dotshe ditiko da Goxeni kala Gibheyoni.

Joxuwa 12:8

wukhalo wa mimangoni ni tibalani, ni tithembweni, ni mu ka mikova ya mati, ni txiwulani, ni wuphemba, hagari ka Vaheti, ni Vaamori, ni Vakanana, ni Vaferezi, ni Vahevhi, ni Vajebhuzi.

Joxuwa 11:21

Ka yona yile mbimo, Joxuwa a tile e ta lovisa va ka Anaki va mimangoni ka Hebroni, va Dhebhiri, va Anabhi, ni va yotshe mimango ya ka Judha, ni va yotshe mimango ya ka Israyeli; Joxuwa a to va lovisa, kumweko ni madhoropa awe.

Ezekhiyele 36:8

Aniko anu mimango ya ka Israyeli, mi na humisa madhavi, mi txi ninga mihando ka vathu vangu va ka Israyeli; nguko va hafuhi ni kuwuya.

Ezekhiyele 17:23

Ka mmango wo guleka wa ka Israyeli, ni na ya phaya mkedhari, wu na humisa midhari, ni kuveleka mihando, wu na va mkedhari wa wunene; sotshe sinyana si na zumba hahatshi ka mtsudi wa madhavi a kona.

Joxuwa 11:2

ni ka vafumeli vale va nga aka mmangoni ka wuphemba, ni ka libala la wulambwe ka Kineroti, ni ka matiko a libalani ni mikovani ka Dhori ka mswa-ditambo,

Joxuwa 9:1

Se ku to maheka taku, mbimo yile va nga tipfa votshe vafumeli va va nga ti ti mtxhatuko ka Jordhani, mimangoni ni tibalani, ni kotshe mabambe ka Linene la Hombe, ni masoni ka Libhanoni, Vaheti ni Vaamori, ni Vakanana, ni Vaferezi, ni Vahevhi, ni Vajebhusi,

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.

Joxuwa 11:15

Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.