Joxuwa 11:15 - Bhiblia Yo Sawuleka

¹⁵ Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

Joxuwa 11:15 Referans Kwoze

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Dhewuteronome 7:2

Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.

2 Makronika 30:12

Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.

Dhewuteronome 31:7

Sekoko Mosi a to dhana Joxuwa, masoni ka votshe va ka Israyeli, a txi m'gela a txi khene: “Tsana, uva ni mtamo, nguko ngawe u no wulela ni votshe vathu vava, ka ditiko di Mkoma a nga xambanya, ku di ningela ka vatate vako, ngawe u no va ninga, di txi maha thomba yawe.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Dhewuteronome 4:2

Mi nga engeteleni txilo ka ti ani ni mi leletako tona, kambe mi nga hunguleni txilo ka tona. Vekisani sirumo sa Mkoma, Txizimu txanu, ku nga tonti ani ni mi leletisako tona.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Joxuwa 11:12

Se Joxuwa a to teka otshe madhoropa a vafumelivo, a txi daya votshe vafumeli va kona ngu ditxhari, e va lovisa, nga ti Mosi txithumi txa Mkoma, a nga ti leletete tona.

Luka 11:42

“Kambe mi na ni dikhombo, anu Vafarisi nguko mi humisa sa wugumi ka mbowa ni ka matawa otshe ni ka yotshe mindiwo ya mazokoro, mi txi leka kululama ni lirando la Txizimu! Mi ti fanete ku ti maha eto, mi si leki kumaha tile to thanga.”

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Joxuwa 11:14

Se sotshe si va nga handa ka ona madhoropayo, kumweko ni sifuyo, vanana va ka Israyeli va si tekile va txi phakelana ngu sona; se va to dayela votshe vavamna ngu ditxhari, va txi za ve va fuvisa; kha va nga leka ni txa tximwetxo txo hanya txi txi sala.

Joxuwa 11:16

Ngu toneto, Joxuwa a to teka dotshe ditiko dile, mimango, ni dotshe da Wulambwe, ni dotshe ditiko da Goxeni, ni tibala, ni mikova, ni mimango ya ka Israyeli, ni tibala ta kona;

Mitengo 33:50

Mkoma a wombile ka Mosi, mikovani ka Mowabhi, hafuhi ni Jordhani, ka Jeriko, a txi khene:

Mitengo 33:52

mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Dhewuteronome 31:3

Awu a no tsimbila masoni kwako ngene Mkoma, Txizimu txako; a na hoxota mifumo yoneyo, kasi ku u yi teka. Joxuwa a na va mthangeli wako, nga ti Mkoma a nga kugela.

Dhewuteronome 31:5

Mkoma a na va ningela kwanu, se anu mi na maha kwawe madingano ni ti ni nga mi leletisa tona.