Joxuwa 11:14 - Bhiblia Yo Sawuleka

¹⁴ Se sotshe si va nga handa ka ona madhoropayo, kumweko ni sifuyo, vanana va ka Israyeli va si tekile va txi phakelana ngu sona; se va to dayela votshe vavamna ngu ditxhari, va txi za ve va fuvisa; kha va nga leka ni txa tximwetxo txo hanya txi txi sala.

Joxuwa 11:14 Referans Kwoze

Joxuwa 11:11

Se va to dayela ngu ditxhari, sotshe sivangwa so hanya, kha va nga siya ni txa tximwetxo txo hanya; kambe va to hisa ni didhoropa da Hazori.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.

Joxuwa 8:27

Va ka Israyeli va to teka sifuyo dwe, ni sotshe si va nga handa didhoropani, madingano ni dipswi di Mkoma a nga ti leletete ka Joxuwa.

Dhewuteronome 20:14

hahanze vavasikati ni vanana, ni sihari; ni sotshe sile si no maneka didhoropanimo, sotshe si u no handa, u na si teka si txi maha thomba yako; u na dya sile u no handa ka valala vako, avale Mkoma, Txizimu txako, a nga va ningela manzani kwako.

Mitengo 31:9

Kambe vanana va ka Israyeli, va to tsulisa wukhumbini vavasikati va Vamidhiyani, ni vanana vawe; ve teka ni sihari sawe sotshe, ni sifuyo sawe sotshe, ni totshe tithomba tawe.

Dhewuteronome 20:16

Kambe ka madhoropa a matiko awa Mkoma, Txizimu txako, a no kuninga ma txi maha thomba yako, u nga leke ni txa tximwetxo txivangwa txi txi hanya.

Joxuwa 11:13

Aniko madhoropa otshe ma nga ti aketwe mimangoni, va ka Israyeli kha va ma hisa, hahanze ka didhoropa da Hazori, adi Joxuwa a ngadi hisa.

Joxuwa 11:15

Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

Joxuwa 8:2

“U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

2 Makronika 20:25

Se Josafati ni vathu vakwe va to honyolela sotshe simaha sa valala vawe. Ve mana thomba yayingi ni sirumbi sasingi, ni siya sa lisima; Mthumo wuwa u hetile masiku maruru, nguko simaha sa kona i ti sasingi ngutu.