Joxuwa 10:9 - Bhiblia Yo Sawuleka

⁹ Se Joxuwa a to ya wa txitimwi kwawe ngu txidhukisa, msana ka kuva a di tsimbite wotshe wusiku, a txi khukhela Giligali.

Joxuwa 10:9 Referans Kwoze

2 Timoti 2:3

Nawe, xaniseka kumweko ni nani, nga disotxhwa da dinene da Jesu Kristu.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

Joxuwa 10:8

Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

Joxuwa 10:10

Se Mkoma a to va vhinganyisa masoni ka va ka Israyeli, se va ka Israyeli va to va peka va txi va khozisa, hafuhi ka Gibheyoni, va txi va girimusa ngu nzila ya kuya Bheti-Horoni, va txi va khozisa kala kuhoka Azeka ni Makedha.

Joxuwa 11:7

Se Joxuwa ni votshe vathu va yimbi, va to ta ngu kukuluveta veya va mana hafuhi ka mati a Merome, va va txilwa navo.