Joxuwa 10:8 - Bhiblia Yo Sawuleka

⁸ Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

Joxuwa 10:8 Referans Kwoze

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Dhewuteronome 3:2

Sekoko Mkoma a ni gete a txi khene: “U nga thave, nguko ani ni mningela manzani kwako, ene ni vathu vakwe votshe ni ditiko dakwe. U na maha kwakwe nga ti u nga maha ka Sehoni, mfumeli wa Vaamori, awule a nga ti akile Hesibhoni.”

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Joxuwa 8:1

Sekoko Mkoma a to khene ka Joxuwa: “U nga thave, kambe u nga xamale; teka otshe masotxhwa, u txi yalwa ni didhoropa da Ayi; wona taku ni ningete manzani kwako mfumeli wa Ayi, ni vathu vakwe, ni didhoropa dakwe, ni ditiko dakwe.”

Dhewuteronome 7:24

Ene a na ningela vafumeli va ona manzani kwako, se awe u na pfhita matina awe hahatshi ka nzuma: Ni wammweyo kha na mbi tsana masoni kwako, kala u va fuvisa.

Joxuwa 10:9

Se Joxuwa a to ya wa txitimwi kwawe ngu txidhukisa, msana ka kuva a di tsimbite wotshe wusiku, a txi khukhela Giligali.

Joxuwa 10:25

Sekoko Joxuwa a to va gela a txi khene: “Mi nga thaveni txilo kambe mi nga wikeni msana; khutalani mi txi zumba mi di tsani, nguko ngu tona tiya Mkoma a no maha ka votshe valala vanu, avale mi no lwa navo.”

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Valamuli 6:16

Se Mkoma a to mxamula a txi kha ene: “Ani ni na va ni nawe, kambe awe u na va xula Vamidhiyani, ku txi nga u to xula m'thu wammweyo.”

1 Samuwele 17:47

Ni wotshe msengeletano wuwa wu na tiziva ti to Mkoma wa hanyisa, na i si nga ngu ditxhari mwendo mseve; nguko kulwa nga Mkoma, se ene a na mi ningela manzani kwathu.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.