Joxuwa 10:6 - Bhiblia Yo Sawuleka

⁶ Ti di ngeto, vathu va Gibheyoni va to rumela m'biko ka Joxuwa, wugoveloni ka Giligali, va txi kha vona: “U nga leke sithumi sako, kuluveta u txi ta kheno kwathu, kasi u ta hi hulukisa ni ku hi lwela, nguko votshe vafumeli va Vaamori, avale va nga aka mimangoni, va tshanganile kasi kutalwa ni nathu.”

Joxuwa 10:6 Referans Kwoze

Joxuwa 9:6

Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

Luka 1:39

Ka ale masiku, Mariya a to teka dipfhumba a txi tsula ngu kukuluveta, a txi ya ka ditiko da situnga, didhoropani ka Judha.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

2 Vafumeli 4:24

Sekoko a to lulamisela mbongola a txi khene ka dijaha dakwe: Tsimbila u kuluveta, u nga swele hanzila, hahanze ka kuva ni txi kuemisa.

Joxuwa 21:11

Va va ningile Kiriyati-Arbhe, didhoropa da tate wa Anaki i ku Hebroni, mmangoni ka Judha, ni tibala ta wudyiselo, ngu madhawani ka kona.

Joxuwa 9:15

Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Joxuwa 10:5

Ti di ngeto, vafumeli vale va mtxhanu va Vaamori, va to tshangana, ve tsula, vona kumweko ni otshe mabutho awe a yimbi, mfumeli wa Jerusalema, mfumeli wa Hebroni, mfumeli wa Jarmuti, mfumeli wa Lakisi ni mfumeli wa Egloni va to ya randela Gibheyoni, va txi lwa nayo.

Joxuwa 10:7

Joxuwa a to khukha Giligali, ene, ni otshe masotxhwa ni totshe tindena ta dibutho da yimbi.

Joxuwa 9:8

Sekoko va to kha vona ka Joxuwa: “Athu hi sithumi sako.” Se Joxuwa a to va wotisa ku khene: “Kasi anu nganu vamani, ni kumita ngu hani kani?”