Joxuwa 10:30 - Bhiblia Yo Sawuleka

³⁰ Se Mkoma a to di ningela ni dona ni mfumeli wa dona, manzani ka va ka Israyeli, ava va ngadi khozisa ngu ditxhari, ni votshe avale va nga ti ti hanya ka dona; kha va nga leka ni wammweyo wo sala. Va to maha ka mfumeli wa kona ta kufana ni ti va nga maha ka mfumeli wa Jeriko.

Joxuwa 10:30 Referans Kwoze

Joxuwa 10:29

Sekoko Joxuwa ni votshe va ka Israyeli, va to khukha Makedha va txi ya didhoropani ka Libhina va txi yalwa nado.

Joxuwa 10:31

Sekoko, Joxuwa ni votshe va ka Israyeli, va to khukha Libhina veya Lakisi, ahawa va nga ya di randela ni vathu va dona, va txi lwa navo.

Mitengo 32:22

Se ditiko di na vekwe hahatshi masoni ka Mkoma, ngu msana, mi na wuya mi ta zumba mi di divaletwe, masoni ka Mkoma ni masoni ka Israyeli. Ngu kona ditiko diya di no maha danu, masoni ka Mkoma;

Dhewuteronome 2:33

Mkoma, Txizimu txathu, a mningete kwathu, se athu hi mkhozisile, kumweko ni vanana vakwe, ni votshe vathu va ditikoni kwakwe.

Dhewuteronome 7:2

Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.

Joxuwa 8:24

Se ku to maheka taku, va ka Israyeli na va di hetile kudayela votshe vaaki va didhoropa da Ayi txitingani, txiwulaniyo va nga ti ti va londetile kona, na va ti dayetwe ngu ditxhari kala ku votshe va txi guma, votshe va ka Israyeli va to tshumela va txi ya didhoropani ka Ayi, va txi ya di lovisa ngu ditxhari.

Joxuwa 8:29

Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Joxuwa 10:28

Se ka dona ditshiku edo da dimwedo, Joxuwa a to khozisa didhoropa da Makedha, a txi daya mfumeli wa dona, ngu ditxhari, a txi lovisa votshe va nga txi hanya ka dona; kha nga siya ni m'boti ka dona, a to maha ka mfumeli wa kona ta kufana ni ti a nga maha ka mfumeli wa Jeriko.

Joxuwa 11:12

Se Joxuwa a to teka otshe madhoropa a vafumelivo, a txi daya votshe vafumeli va kona ngu ditxhari, e va lovisa, nga ti Mosi txithumi txa Mkoma, a nga ti leletete tona.

Joxuwa 12:15

mfumeli wa Libhina, mfumeli wa Adhulamu,

2 Vafumeli 10:11

Se Jehu a to dayela votshe vale va nga ti sate, va nyumba ya ka Akabe, kona Jezireyeli, kumweko ni vahombe va kona, ni votshe vale va nga txi va ziva, ni vaphaxeli vawe, kala kuza asi siyi ni wammweyo.