Joxuwa 10:29 - Bhiblia Yo Sawuleka

²⁹ Sekoko Joxuwa ni votshe va ka Israyeli, va to khukha Makedha va txi ya didhoropani ka Libhina va txi yalwa nado.

Joxuwa 10:29 Referans Kwoze

Joxuwa 21:13

Vanana va mphaxeli Aroni, va ningilwe didhoropa da Hebroni, di txi maha didhoropa da wuthavelo, ka wule a dayako m'thu, ni tibala ta kona ta wudyiselo, ni Libhina ni wudyiselo wa kona,

Joxuwa 15:42

Libhina, Eteri ni Axane,

Jeremiya 52:1

A ti ni magumi mambidi a malembe Zedhekiya, mbimo yi a nga khata kufuma, a fumile digumi da malembe ni dilembe dimwedo Jerusalema; se ditina da mame wakwe i ti Hamitali, mwana Jeremiya, wa Libhina.

2 Vafumeli 19:8

Sekoko Rabhiseke a to tshumela, a to ya mana mfumeli wa Asiriya a txi lwisa didhoropa da Libhina, nguko a di ti pfite taku mfumeli wa Asiriya a khukhile ngu Lakisi.

2 Vafumeli 8:22

Ngu kumaha keto, va ka Edhomi va to venga mfumo wa ka Judha, kala ka ditshiku da nyamsi; sekoko Libhina nene a to vhutuka.

Joxuwa 12:15

mfumeli wa Libhina, mfumeli wa Adhulamu,

Joxuwa 10:28

Se ka dona ditshiku edo da dimwedo, Joxuwa a to khozisa didhoropa da Makedha, a txi daya mfumeli wa dona, ngu ditxhari, a txi lovisa votshe va nga txi hanya ka dona; kha nga siya ni m'boti ka dona, a to maha ka mfumeli wa kona ta kufana ni ti a nga maha ka mfumeli wa Jeriko.

Joxuwa 8:29

Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Joxuwa 8:2

“U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Mitengo 33:20

Se va to khukha ngu Rimoni-Perezi, veya humula Libhina.

Joxuwa 10:30

Se Mkoma a to di ningela ni dona ni mfumeli wa dona, manzani ka va ka Israyeli, ava va ngadi khozisa ngu ditxhari, ni votshe avale va nga ti ti hanya ka dona; kha va nga leka ni wammweyo wo sala. Va to maha ka mfumeli wa kona ta kufana ni ti va nga maha ka mfumeli wa Jeriko.

Isaya 37:8

Rabhisake a to tshumela koko, eya mana mfumeli wa Asiriya, a txi lwisa didhoropa da Libhina; nguko a di ti pfite taku, mfumeli wa Asiriya, a khukhile ngu Lakisi.

2 Makronika 21:10

Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.