26 Se msana ka tiya, Joxuwa a to va peka a txi va daya, a txi va hayeka txitimwi ka mindonga ya mtxhanu, ahawa va nga zumba ka yona va di txikitilwe, kala ni minova.
Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.
Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”
Se a to va ningela manzani ka Vagibheyoni, avale va nga va txikita mmangoni masoni ka Mkoma; se votshe va mtxhanu ni vambidi va to fa ngu mbimo yimweyo; Va to dawa ka masiku a kuelula, i ku masiku o khata, kukhatani ka kuelula ka Sevhadha.
ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.
Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.
Sekoko Zebha ni Salmuna, va to kha vona ka Gidhiyoni: “Khukha awe u txi hi daya nguko mtamo wa m'thu wu dingana ni m'thu wa kona.” Se Gidhiyoni a to khukha e daya Zebha ni Salmuna, ngu msana e thavisa sigelebete si si nga ti tshurisa makamelu awe.
Mkoma a to khene ka Mosi: Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.
Vajudha, ngako i nga ti ditshiku da kulongisela, kasiku sirumbi si si zumbi ha txihambanoni dotshe ditshiku da Sabbata, kha ditshuri ditshiku da Sabbata i ti da hombe ngutu, va to tsula veya kombela ka Pilato ti to ve funyetela minenge ya sirumbi, ve gwita ve si thavisa hale.