Joxuwa 10:2 - Bhiblia Yo Sawuleka

² a to telwa ngu dizowa ngutu, ene ni vathu vakwe, nguko Gibheyoni i ti ti Didhoropa da Hombe, kufana ni mamwani madhoropa a wukoma, i ti ti da hombe kupinda Ayi, ni vavamna va kona i ti ti tindena.

Joxuwa 10:2 Referans Kwoze

Dhewuteronome 11:25

Kha ku na mbi va ni m'thu wo mi tsanela; Mkoma, Txizimu txanu, a na thela dizowa ni kudhudhumela ngu mhaka yanu, ka vathu va dotshe ditiko di mi no wulela ka dona, nga ti ene a nga mi gela.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Vahebheru 10:31

Ta thisa ngutu kuwela manzani ka Txizimu txi txi hanyako.

Vahebheru 10:27

Aniko hi rinzela kuya pamulwa ngu nzila yo thisa ni mdhikila wa mndilo wu wu no ya hetisa valala va Txizimu.

Mavingu 10:24

Kuthava ka wo biha, ku na wuya txitimwi kwakwe, aniko kunavela ka vo lulama ku na ningwa ngu Txizimu.

2 Samuwele 12:26

Ngu kumaha keto, Jowabhi a to lwa ni didhoropa da Rabha, da vanana va ka Amoni, e teka didhoropa da wukoma.

1 Samuwele 27:5

Se Dhavhidha a to khene ka Akisi: Nga ku ni di mani dikato masoni kwako, ni ninge wukhalo wo zumba ka wona ka didhoropa dimwedo da amu ditikoni; Txi nga zumbisa kutxani koko txithumi txako ni nawe didhoropani ka wufumeli kani?

Dhewuteronome 28:10

Se vathu va mafu otshe, va na ti wona ti to u dhanwa ngu ditina da Mkoma, va na kuthava.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.