Joxuwa 10:19 - Bhiblia Yo Sawuleka

¹⁹ Se anu mi nga emeni: Tutumisani valala vanu, va londeteni ngu msana, kambe mi nga va lekeni va txi wulela madhoropani kwanu, nguko Mkoma, Txizimu txanu, a va ningete manzani kwanu.”

Joxuwa 10:19 Referans Kwoze

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

2 Samuwele 20:6

Sekoko Dhavhidha a to khene ka Abhixayi: Sebha, mwana Bhikiri, a na hi xanisa ngutu kupinda Abhisalome; ngu kumaha keto, teka sithumi sa nyamne wako, u mlondeta, kasiku asi mani madhoropa a mtamo, se e huluka masoni kwathu.

2 Samuwele 17:13

Se ngako a txo tutuma eya ka didhoropa dokari, votshe va ka Israyeli va na tisa tingoti ka didhoropa donedo; aniko hi na di ndinda kala txinambwanani, kuza ku si sali txirigwana ni txa tximwetxo ka dona.

Joxuwa 10:20

Mbimo yi Joxuwa ni vanana va ka Israyeli va nga khozisa Vaamori, aha koza ve va lovisa, na avale va miboti ya kuhanya va di tsute ka madhoropa o tsana,

Joxuwa 10:18

Joxuwa koko a to khene: “Rindilitani marigwi a hombe, mi txi ya tsiva ngu ona ditshoko da diphala, mi txi veka hafuhi ka dona vavamna ve woneleta.