Joxuwa 10:14 - Bhiblia Yo Sawuleka

¹⁴ Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

Joxuwa 10:14 Referans Kwoze

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Eksodha 14:14

Mkoma a na lwa ngu nganu, kambe anu mi na malala mi txi dwe!”

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 23:3

kambe anu mi ti woni totshe ti Mkoma, Txizimu txanu, a nga maha ka otshe matiko awa ngu mhaka yanu. Kunene, Mkoma, Txizimu txanu, ngene a nga lwa a txi mi vhikela.

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Isaya 38:8

Wona taku ni na wuyisa mtsudi wa tipimo, wule wu nga pinda ni ditambo ngu mipimo wa diwatxhi da Akazi, wu txi tshumelela msana, ngu digumi da mipimo. Ngu kumaha keto, ditambo di to tshumelela msana ngu digumi da mipimo, ngu digumi mipimo yile di nga ti tsimbite da mazambo ale di nga ti wekete ngu ona.

Joxuwa 10:15

Sekoko Joxuwa a to tshumela a txi wuya wugoveloni ka Giligali, ni votshe va ka Israyeli.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.