Joxuwa 10:13 - Bhiblia Yo Sawuleka

¹³ Se ditambo di to ema, mtxima ni wona wu to ema, kala ku vathu va txi khozisa valala vawe. Ina timhaka tiya kha ta bhalwa amu ka Dibhuku da Mlulami kani? Ditambo di emile hagari ka nzuma, di txi swela kuswa, kala kuheta mbimo yo lava kudingana ni ditshiku dotshe.

Joxuwa 10:13 Referans Kwoze

Habhakuki 3:11

Ditambo ni mtxima si emile makhaloni ka sona; Si nyamalaliswa ngu kuwoninga ka miseve yakwe, ni kuphatima ka kukeluka ka ditxhari dakwe.

Isaya 38:8

Wona taku ni na wuyisa mtsudi wa tipimo, wule wu nga pinda ni ditambo ngu mipimo wa diwatxhi da Akazi, wu txi tshumelela msana, ngu digumi da mipimo. Ngu kumaha keto, ditambo di to tshumelela msana ngu digumi da mipimo, ngu digumi mipimo yile di nga ti tsimbite da mazambo ale di nga ti wekete ngu ona.

Joxuwa 10:14

Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

Valamuli 16:28

Sekoko Samusoni a to dila ka Mkoma, a txi khene: “Mkoma Txizimu, na ku kombela ti to u ni alakanya, u txi ni ninga mtamo konkuwa, ka yona mbimo yiya awe Txizimu, kasi ku ngu mbimo yimweyo, ni ti photela ka Vafilista, ngu mhaka ya maso angu a mambidi.”

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Joyeli 3:15

Ditambo ni mtxima si na maha sa mtima ni tinyeleti ti na thavisa kuwonekela ka tona.

Joyeli 2:10

Masoni kwakwe, mafu ma na dhudhumela, nzuma yi na dekadeka; ditambo ni mtxima si na maha sa mtima, ni tinyeleti ti na thavisa kuphatima ka tona.

Masalmo 148:3

M'dhumiseni awe ditambo ni mtxima; m'dhumiseni motshenu tinyeleti ti phatimako!

Masalmo 19:4

Aniko kunuwela ka sona ka hoka ka dotshe ditiko ni kuwombawomba ka sona kuhokile magemeta-mitshi ka mafu. Txizimu txi akete ditambo m'dhuti nzumani,

Esteri 8:13

Ni dipapilo dimwedo do zivisa ka otshe matiko a hombe, di to rumelwa ka votshe vathu, kasi ku Vajudha ve maneka va di ti lulamisete ka ditshiku dile kasi kuphota ka valala vawe.

2 Samuwele 1:18

a txi khene, yi na gondiswe ka vanana va ka Judha ndando ya ma thumiselo a wulaho. Wona taku yi bhatwe amu ka Dibhuku da Mlulami.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Valamuli 5:2

“Nguko vathangeli va nga sikota kuthangela Israyeli, ni vona vathu va nga ti ningela ngu kuranda kwawe va txi yalwa, ngu mhaka yeto, dhumisani Mkoma,

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Mitengo 31:2

Photela vanana va ka Israyeli ka Vamidhiyani; msana keto u na tsuliswa ka vathu vako.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Mithumo 2:20

Ditambo di na hinduka di maha txidema, mtxima wu na hinduka wu maha mnoha di sinzi kuhoka ditshiku da Mkoma, ditshiku da hombe do tala ngu wudhumo.

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Mitengo 21:14

Ngu toneto, ku wombwako ngu tona amu ka dibhuku da Tiyimbi ta Mkoma, taku: “Vhahebhi ka Sufa, ni sinambwana sa Arinomi.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

2 Vafumeli 20:10

Sekoko Ezekhiya a to khene: Ta hehuka kuwekela mtsudi ngu lipimo la digumi da mazambo; ti nga maheke eto, mtsudi wu na wuye ngu lipimo la digumi da mazambo.

Jobe 9:7

txi wombako ka ditambo, se dona di si humi; kambe txi tsivela tinyeleti;