Joxuwa 10:12 - Bhiblia Yo Sawuleka

¹² Sekoko Joxuwa a wombile ka Mkoma, ka ditshiku dile Mkoma a nga ningela Vaamori manzani ka vanana va ka vanana va ka Israyeli, a txi khene: “Ditambo, ema txitimwi ka Gibheyoni, ni nawe mtxima, ema mkovani ka Ajaloni!”

Joxuwa 10:12 Referans Kwoze

Habhakuki 3:11

Ditambo ni mtxima si emile makhaloni ka sona; Si nyamalaliswa ngu kuwoninga ka miseve yakwe, ni kuphatima ka kukeluka ka ditxhari dakwe.

Isaya 38:8

Wona taku ni na wuyisa mtsudi wa tipimo, wule wu nga pinda ni ditambo ngu mipimo wa diwatxhi da Akazi, wu txi tshumelela msana, ngu digumi da mipimo. Ngu kumaha keto, ditambo di to tshumelela msana ngu digumi da mipimo, ngu digumi mipimo yile di nga ti tsimbite da mazambo ale di nga ti wekete ngu ona.

Isaya 60:20

Kha di na mbi ngadi di txiswa ditambo dako, hambi mtxima wako kha wu na mbifa, nguko Mkoma i nava liwoningo lako yotshe mbimo, ni masiku a m'zila wako ma na guma.

Isaya 28:21

Nguko Mkoma a na khukha kufana ni mmangoni ka Perazimi, kambe a na henya, nga tile a nga maha mkovani ka Gibheyoni, kasi kumaha mthumo wakwe, mthumo wakwe wo mbi toloveleka, ni kumaha mthumo, mthumo wakwe wo xamalisa.

Masalmo 19:4

Aniko kunuwela ka sona ka hoka ka dotshe ditiko ni kuwombawomba ka sona kuhokile magemeta-mitshi ka mafu. Txizimu txi akete ditambo m'dhuti nzumani,

Joxuwa 10:13

Se ditambo di to ema, mtxima ni wona wu to ema, kala ku vathu va txi khozisa valala vawe. Ina timhaka tiya kha ta bhalwa amu ka Dibhuku da Mlulami kani? Ditambo di emile hagari ka nzuma, di txi swela kuswa, kala kuheta mbimo yo lava kudingana ni ditshiku dotshe.

Masalmo 148:3

M'dhumiseni awe ditambo ni mtxima; m'dhumiseni motshenu tinyeleti ti phatimako!

Jobe 9:7

txi wombako ka ditambo, se dona di si humi; kambe txi tsivela tinyeleti;

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Masalmo 74:16

Wusiku ni mitshikari si lumba awe; u vangile mtxima ni ditambo.

Joxuwa 19:42

Xalabhini, Ajaloni, ni Itila,

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Valamuli 12:12

Se Eloni, Muzabhuloni, a to fa, se a txi ya tshotshwa Ayijaloni, ditikoni ka Zebhuloni.

Valamuli 5:20

Tinyeleti ti lwite, txitimwi nzumani, amu tinzilani ka tona ti lwite, ti txi wukela Sisera.

1 Samuwele 14:31

Kambe ka ditshiku donedo va to xasela Vafilista, kukhukhela Mikimaxi kala Ayijaloni; se vathu va ti gumile mtamo ngutu.

2 Samuwele 2:12

Sekoko Abhineri mwana Neri, a to khukha ni sithumi sa Isibhosete, mwana Sawule, ngu Mahanayime veya Gibheyoni.

2 Vafumeli 20:11

Sekoko mprofeti Isaya a to khongela ka Mkoma; se a to wuyisa mtsudi ngu lipimo la digumi da mazambo, i ku mazambo ale diwatxhi da ditambo da Akazi di nga ti wekete ngu ona.

Jeremiya 28:1

Se ku to maheka ka dona dilembedo, kukhatani ka kufuma ka Zedhekiya, mfumeli wa ka Judha, ngu dilembe da wumune, ngu mtxima wa wutxhanu, Hananiya mwana Azuri, mprofeti wa m'ti wa Gibheyoni, a to ni gela masoni ka vaphaxeli ni ka vathu votshe, amu Nyumbani ka Mkoma a txi khene:

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Joxuwa 21:24

Ajaloni ni wudyiselo wa kona ni Gati-Rimoni ni wudyiselo wa kona: I munwe wa madhoropa.

1 Samuwele 12:18

Sekoko Samuwele a to kombela ka Mkoma, se ka ditshiku donedo Mkoma a to dhindisa txingwalangwanda ni kunisa mati; ngu kumaha keto, vathu votshe va to thava ngutu masoni ka Mkoma ni ka Samuwele.

2 Vafumeli 20:9

Se Isaya a to khene: Mkoma a na kuninga txikombiso txaku, ene Mkoma a na maha tile a nga womba to khene: Ina mtsudi wu na ya masoni ngu digumi da mazambo, niku wu na tshumelela msana ngu digumi da mazambo kani?

2 Vafumeli 20:10

Sekoko Ezekhiya a to khene: Ta hehuka kuwekela mtsudi ngu lipimo la digumi da mazambo; ti nga maheke eto, mtsudi wu na wuye ngu lipimo la digumi da mazambo.

1 Makronika 8:13

Se Bheriya ni Sema, i ti vathangeli va tinyumba ta vatate, vazumbi va Ayijaloni; kambe va to tutumisa va zumbi va Gati.

2 Makronika 11:10

ni Zora, ni Ayijaloni, ni Hebroni, a ma ku Judha ni Bhenjamini; madhoropa a mtamo.